Pune Traffic Updates | पुणे शहर पोलीस दलाच्या तरंग ‘2025’ कार्यक्रमामुळे शिवाजीनगर पोलीस मुख्यालयाच्या परिसरात वाहतूकीत बदल

पुणे : Pune Traffic Updates | शहर पोलीस दलाच्या वतीने तरंग हा अजय अतुल संगीत रजनीचा मनोरंजनात्मक कार्यक्रमाचे शनिवारी सायंकाळी आयोजन करण्यात आले आहे. पुनीत बालन ग्रुप (Punit Balan Group – PBG) प्रायोजक असलेल्या या कार्यक्रमासाठी मुख्यमंत्री देवेंद्र फडणवीस (Devendra Fadnavis), उपमुख्यमंत्री अजित पवार (Ajit Pawar) यांच्यासह मान्यवर उपस्थित राहणार आहेत. त्यामुळे या परिसरातील वाहतूकीत १५ फेब्रुवारीला बदल करण्यात येत आहे.

मॉडर्न चौक ते डेक्कन वाहतूक विभागपर्यंत (१००मीटर) हा मार्ग तात्पुरत्या स्वरुपात दुहेरी वाहतूक करण्यात येत आहे. वसंतराव देशमुख पथ (घोले रोडने येणारी वाहतूक) बंद करण्यात येत आहे. तसेच जे एम रोडवरुन सुरभी लेनकडे जाणारी वाहतूक बंद करण्यात येत आहे.

पर्यायी मार्ग :

मॉडर्न चौक -झाशी राणी पुतळा चौक – घोले रोड मार्गे इच्छित स्थळी जातील. नागरिकांनी वरील पर्यायी मार्गाचा वापर करावा तसेच वाहतूक कर्मचारी/ स्वयंसेवक यांना सहकार्य करावे, असे आवाहन पोलीस उपायुक्त अमोल झेंडे यांनी केले आहे.