मुंबई : सरकारसत्ता ऑनलाइन – Witchcraft | महाराष्ट्र आणि तेलंगनाच्या सीमेवरील गाव वानी खुर्दमध्ये ग्रामस्थांनी जादूटोणा (Witchcraft) केल्याचा आरोप करत एकाच कुटुंबातील 7 लोकांना चौकात बांधले आणि नंतर अतिशय निर्दयीपणे मारहाण केली. पीडितांमध्ये चार महिला आणि तीन ज्येष्ठांचा समावेश आहे.
Join our Sarkarsatta WhatsApp Group Link , Telegram, facebook page for every update
घटनेची छायाचित्रे सोशल मीडियावर वायरल झाल्यानंतर पोलिसांनी या प्रकरणी कारवाई करत 12 लोकांविरूद्ध गुन्हा दाखल केला आहे. तर, पीडित व्यक्तींना हॉस्पिटलमध्ये दाखल करण्यात आले आहे. मारहाणीत जबर जखमी झालेल्या 5 लोकांची प्रकृती चिंताजनक आहे.
ही भयंकर घटना समोर आल्यानंतर प्रशासन खडबडून जागे झाले असून गावात पोलिसांची तुकडी तैनात करण्यात आली आहे. सहायक पोलीस निरीक्षक संतोष अंबिके यांनी सांगितले की, या घटनेनंतर गावात शांतता आणि सुव्यवस्थेबाबत सरपंच आणि पोलीस दलाने बैठक घेतली आहे.
स्थिती नियंत्रणात राहण्यासाठी गावात योग्य ते पोलीस बळ तैनात केले आहे. त्यांनी सांगितले की,
सध्या सर्व आरोपी फरार असून पोलीस त्यांचा शोध घेत आहेत. लवकरच सर्व आरोपींना अटक केली जाईल.
Web Title : Witchcraft | 7 members of a family tied and beaten on road for allegedly doing witchcraft in maharashtra