नवी दिल्ली : वृत्तसंस्था – Amul Organic Wheat Flour | अमूल ब्रँड अंतर्गत उत्पादने सादर करणारी डेअरी कंपनी गुजरात को – ऑपरेटिव्ह मिल्क मार्केटिंग फेडरेशन लिमिटेड (GCMMF) ने शनिवारी सेंद्रिय गव्हाचे पीठ घेऊन ’ऑर्गेनिक फूड मार्केट’ (Organic Food Market) मध्ये प्रवेश करण्याची घोषणा केली.
ही उत्पादनेही लवकरच येतील
GCMMF ने एका निवेदनात म्हटले आहे की, या व्यवसायांतर्गत लाँच केलेले पहिले उत्पादन ’अमूल ऑर्गेनिक होल व्हीट आटा’ आहे. कंपनी भविष्यात मूग डाळ, तूर डाळ, चना डाळ आणि बासमती तांदूळ यांसारखी उत्पादनेही बाजारात आणणार आहे.
सेंद्रिय शेती करणार्‍या शेतकर्‍यांचे वाढेल उत्पन्न
कंपनीचे व्यवस्थापकीय संचालक आर. एस. सोढी म्हणाले की, सेंद्रिय शेती करणार्‍या शेतकर्‍यांना एकत्र आणले जाईल आणि दूध संकलनाचे हेच मॉडेल या व्यवसायातही स्वीकारले जाईल. यामुळे सेंद्रिय शेती करणार्‍या शेतकर्‍यांचे उत्पन्न वाढेल आणि सेंद्रिय अन्न उद्योग अधिक लोकशाही होईल. (Amul Organic Wheat Flour)
शेतकर्‍यांसाठी बाजारपेठचे मोठे आव्हान
निवेदनात म्हटले आहे की, शेतकर्‍यांचा बाजाराशी संपर्क हे मोठे आव्हान आहे, तर सेंद्रिय चाचणी सुविधाही महागड्या आहेत, त्यामुळे सेंद्रिय शेती करणार्‍या शेतकर्‍यांना बाजारपेठेशी जोडण्याव्यतिरिक्त अमूल देशभरात पाच ठिकाणी सेंद्रिय चाचणी प्रयोगशाळा उभारणार आहे. अहमदाबाद येथील अमूल फेड डेअरीमध्ये अशा प्रकारची पहिली प्रयोगशाळा उभारली जात आहे.
जूनच्या पहिल्या आठवड्यापासून मिळेल सेंद्रिय पीठ
जूनच्या पहिल्या आठवड्यापासून गुजरातमधील सर्व अमूल पार्लर आणि किरकोळ दुकानांवर अमूलचे पीठ उपलब्ध असेल.
जूनपासून गुजरात, दिल्ली – एनसीआर, मुंबई आणि पुणे येथेही ऑनलाइन ऑर्डर करता येणार आहे.
एक किलो पिठाची किंमत 60 रुपये आणि पाच किलो पिठाची किंमत 290 रुपये आहे.
Web Title :- Amul Organic Wheat Flour | amul forays into organic wheat to launch pulses rice next Amul Organic Wheat Flour
Join Our Sarkarsatta, Whatsapp Group, Telegram Group, Facebook Page for every Update
- Aadhaar Card | आधार कार्डबाबत केंद्राची नवीन अ‍ॅडव्हायजरी, फोटोकॉपी शेअर करताना ‘या’ गोष्टी ठेवा लक्षात; अन्यथा…
- Monsoon Arrival in Kerala | खुशखबर ! अखेर मान्सून केरळमध्ये दाखल, ‘या’ तारखेनंतर पुण्यात धडकणार – हवामान विभागाची माहिती
- Chandrakant Patil | अखेर ‘त्या’ वक्तव्यावर चंद्रकांत पाटलांनी राज्य महिला आयोगाला पत्र लिहून व्यक्त केली दिलगिरी, म्हणाले….