मुंबई : सरकारसत्ता ऑनलाइन – मुख्यमंत्री एकनाथ शिंदे (CM Eknath Shinde) यांनी शिवसेनेत बंडखोरी करत उद्धव ठाकरे (Shiv Sena Chief Uddhav Thackeray) भूमिकेला विरोध केला. शिवसेनेतील एकनाथ शिंदे समर्थक आमदार (MLA), खासदारांनी (MP) शिवसेनेत बंड करुन खरी शिवसेना आमचीच असल्याचा दावा करत आम्ही बाळासाहेब ठाकरे (Balasaheb Thackeray) यांचे विचार पुढे घेऊन जात असल्याचे म्हटले. यानंतर आता एकनाथ शिंदे (CM Eknath Shinde) यांनी बाळासाहेब ठाकरे यांचे शिलेदारांची भेट घेण्यास सुरुवात केली आहे. आधी खासदार गजानन किर्तीकर (MP Gajanan Kirtikar) यांची भेट घेतल्यानंतर आता ज्येष्ठ नेते लीलाधर डाके (Senior Leaders Leeladhar Dake), मनोहर जोशी (Manohar Joshi) यांची भेट घेतली.
Join Our Sarkarsatta, Whatsapp Group, Telegram Group, Facebook Page for every Update
मुख्यमंत्री एकनाथ शिंदे (CM Eknath Shinde) यांनी चेंबूर येथे शिवसेनेचे ज्येष्ठ नेते लिलाधर डाके यांच्या घरी जाऊन त्यांची भेट घेतली. या भेटीनंतर माध्यमाशी बोलताना एकनाथ शिंदे म्हणाले, डाके यांच्या प्रकृतीची विचारपूस करण्यासाठी मी सदिच्छा भेट घेतली. लिलाधर डाके यांचे पक्षाचे योगदान मी जवळून पाहिले आहे. बाळासाहेबांसोबत जे सुरुवातीला होते त्यात डाके यांचा समावेश होता. त्या काळात प्रतिकुल परिस्थितीत त्यांनी शिवसेना वाढवण्याचे काम केले. आज शिवसेनेचं जे रुप आहे त्यात डाके यांच्यासारख्या नेत्यांचे खूप मोठे योगदान आहे.
शिवसेनेचे ज्येष्ठ नेते श्री.लीलाधर डाके यांच्या चेंबूर येथील निवासस्थानी जाऊन सदिच्छा भेट घेत मुख्यमंत्रीपदी विराजमान झाल्यानंतर त्यांचे शुभाशीर्वाद घेतले.
यासमयी त्यांच्या प्रकृतीची आस्थेने विचारपूस करित त्यांना निरोगी दीर्घायुष्य मिळावे अशी मनोकामना व्यक्त केली. pic.twitter.com/hYrP1XdYna
— Eknath Shinde – एकनाथ शिंदे (@mieknathshinde) July 28, 2022
मंत्रिपद मिळूनही साधी राहणी, प्रामाणिकपणे त्यांनी काम केले. स्वत:साठी काही केले नाही.
जे केले ते शिवसेना या चार शब्दांसाठी. बाळासाहेब ठाकरेंच्या आदेशाने त्यांनी काम केले.
अशा नेत्यांमुळे बाळासाहेबांची शिवसेना पुढे गेली. यासाठी ज्येष्ठ नेते म्हणून माझ्यासारखा कार्यकर्ता त्यांच्या भेटीला गेला, असे शिंदे यांनी सांगितले.
तसेच शिवसेनेत ज्या नेत्यांचे मोठे योगदान आहे अशा नेत्यांना भेटण्यासाठी जाणार असल्याचे त्यांनी सांगितले.
शिवसेना पुढे नेण्यासाठी ज्या नेत्यांनी योगदान दिले त्यांची भेट घेऊन त्याचा अनुभव राज्यातील जनतेसाठी, सर्वसामान्यांसाठी करायचा आहे.
त्यामुळे मनोहर जोशी यांचीही भेट घेणार आहे, असंही त्यांनी सांगितले.
एकनाथ शिंदे यांच्या भेटीमागे राजकीय चर्चाही सुरु झाल्या आहेत.
शिवसेना आणि धनुष्यबाण (Dhanushya Ban Symbol) आम्हालाच मिळावा यासाठी शिंदे गटाने निवडणूक आयोगाला (Election Commission) पत्र लिहिलं आहे.
त्यानुसार जास्तीत जास्त नेते आणि पदाधिकारी यांचा पाठिंबा मिळावा यासाठी प्रयत्न शिंदे गटाकडून केले जात आहेत.
Join Our Sarkarsatta, Whatsapp Group, Telegram Group, Facebook Page for every Update
Web Title : – CM Eknath Shinde | cm eknath shinde meet shivsena balasaheb thackerays co leaders liladhar dake manohar joshi