नवी दिल्ली : वृत्तसंस्था – भारतीय वायदेबाजार आणि आंतरराष्ट्रीय बाजारात सोने तसेच चांदीच्या किमतीत (Gold Silver Prices) मोठी घसरण झाली आहे. सराफा बाजारातदेखील चांदीचे दर घसरले आहेत. मंगळवारी सकाळी 09:05 पर्यंत देशांतर्गत वायदे बाजारात सोन्याच्या किमतीत (Gold Silver Prices) आधीच्या दरापेक्षा 387 रुपयांनी घसरून 53 हजार 463 रुपये प्रति 10 ग्रॅमवर पोहोचले आहे, तर चांदीची किंमत 1258 रुपयांनी घसरून 65 हजार 191 प्रतिकिलो झाली आहे.
Join Our Sarkarsatta, Whatsapp Group, Telegram Group, Facebook Page for every Update
देशांतर्गत बाजारात सोन्याच्या किमतील सोमवारी तेजी दिसून आली. सोने 227 रुपयांनी वधारून 54 हजार 386 रुपयांवर बंद झाले. या आधीच्या सत्रामध्ये 54 हजार 159 रुपयांवर पोहोचले होते, तर दुसरीकडे चांदीने 1166 रुपयांची झेप घेत 67 हजारांपर्यंत मजल मारली होती.
आंतरराष्ट्रीय बाजारात सोन्याची किंमत 4.10 डॉलर (0.23 टक्के) वाढून 1773 डॉलर प्रतिऔंसवर ट्रेड करत आहे,
तर चांदीचे दर जवळपास स्थिर आहेत. तिची किंमत 0.11 डॉलर किंवा 49 टक्के वाढीसह 22.34 डॉलर
प्रतिऔंस या स्तरावर कायम आहेत. दसरा दिवाळीनंतर आता लग्नसराईचे दिवस सुरू झाल्याने सोने आणि चांदीचे दर वाढले आहेत. या काळात मोठ्या प्रमाणात सोन्या, चांदीची खरेदी होत असल्याने या दागिन्यांना भरपूर मागणी असते.
Web Title :- Gold Silver Prices | Gold and silver prices fall sharply
Ajit Pawar | ‘इंदू मिल येथील स्मारक लवकर पूर्ण व्हावे, कोणीही राजकारण करू नये’ – अजित पवार