MLA Meghna Bordikar | भाजप आमदार मेघना बोर्डीकर यांनी फाईलमध्ये नोटा ठेवल्याचे कॅमेरात कैद, विधानसभेतील व्हिडिओ व्हायरल… (Video)
मुंबई : MLA Meghna Bordikar | | पावसाळी अधिवेशनादरम्यान सभागृहातील (Maharashtra Monsoon Session) भाजपच्या महिला आमदाराचा (BJP MLA) एक व्हिडीओ व्हायरल झाल्याने खळबळ उडाली आहे. विधानपरिषदेची निवडणूक (Vidhan Parishad Election Maharashtra) सुरू असताना हा प्रकार समोर आल्याने विरोधक यावरून आरोप करताना दिसत आहेत. दुसरीकडे व्हिडीओ व्हायरल झाल्यानंतर भाजपा आमदार मेघना बोर्डीकर यांनी समाजमाध्यमावर पोस्ट लिहित याबद्दल खुलासा केला आहे.
भाजपा आमदार मेघना बोर्डीकर व्हिडीओत फाईलमध्ये पैसे ठेवताना दिसत आहेत. हे पैसे नेमके कशासाठी ठेवले? याबाबत सोशल मीडियावर चर्चांना उधाण आलं आहे. भाजपा आमदार राजेश पवार सभागृहात बोलत असताना पाठीमागच्या बाकावर भाजप आमदार मेघना बोर्डीकर बसलेल्या आहेत. यावेळी त्या एका फाईलवर स्वाक्षरी करतात. स्वाक्षरी केल्यानंतर त्या पैसे काढतात आणि त्यातील दोन नोटा फाईलमध्ये ठेवतात.
याबाबत मेघना बोर्डीकर यांनी स्पष्टीकरण देताना म्हंटले आहे की, ” सकाळपासून सर्दी आणि कणकण वाटत असल्याने एका फोल्डरमध्ये औषधी आणण्यासाठी १००० रुपये माझ्या पीए कडे देण्यासाठी ठेवले होते. ते फोल्डर विधानसभेतील शिपायामार्फत माझ्या पीए कडे सभागृहाबाहेर पाठविण्यासाठी दिले गेले.
मात्र नेमका त्याचा व्हिडिओ काढून तो व्हायरल करण्याचा आणि त्यातून गैरसमज निर्माण करण्याचा प्रयत्न काही लोकं करीत आहेत. हा प्रकार अनुचित आहे आणि सभागृहाचे पावित्र्य जपणारा नाही. माझी माध्यमांनाही विनंती आहे की बातम्या देताना किमान संबंधितांचे म्हणणे ऐकून घ्यायला हवे”, असे त्यांनी म्हंटले आहे.
- IAS Puja Khedkar | पूजा खेडकरचा आणखी एक कारनामा समोर, चोराला सोडण्यासाठी थेट डीसीपींना फोन
- Lonikand Pune Crime News | पुणे: दामदुप्पट पैसे देण्याच्या बहाण्याने 32 लाखांची फसवणूक, माय-लेकावर FIR
- Sassoon Hospital Pune | ससूनच्या प्रश्नांवर मंत्र्यांची कोंडी; रॅगिंगसह, डॉक्टरांच्या मद्यपार्टीचे विधानसभेत पडसाद
Comments are closed.