पुणे : (नितीन पाटील) : सरकारसत्ता ऑनलाईन – Pune Police | राज्य पोलिस दलातील 102 हून अधिक पोलिस अधीक्षक / उपायुक्त आणि अप्पर अधीक्षक दर्जाच्या पोलिस अधिकार्यांच्या दि. 7 नोव्हेंबर रोजी बदल्या झाल्या. त्यामध्ये 7 पोलिस उपायुक्त पुण्यात बदलून आले. हजर झाल्यानंतर पोलिस आयुक्त अमिताभ गुप्ता (Pune CP Amitabh Gupta) यांनी त्यांच्या नियुक्त्या केल्या. नवनियुक्त पोलिस उपायुक्तांनी ज्या-त्या विभागाचा आणि झोनचा पदभार घेऊन दोन-तीन दिवस पुर्ण झाल्यानंतर पुण्यातील मातब्बर वसुलीवाल्यांची चुळबूळ सुरू झाली. काहीजण तर बदल्यांची ऑर्डर बाहेर पडल्यापासूनच नियोजन करीत होते.
Join Our Sarkarsatta, Whatsapp Group, Telegram Group, Facebook Page for every Update
काही वसुलीवाल्यांनी पुण्यात बदलून आलेल्या नवनियुक्त उपायुक्तांची थेट ओळख नसल्याने नवनियुक्त उपायुक्तांच्या बॅचमेट आणि संबंधितांशी संपर्क साधून कामकाजाचा शुभारंभ करण्याचा प्रयत्न केला. पुणे शहर दलातील एक आणि पिंपरी-चिंचवड पोलिस दलातील एक अशा दोन कर्मचार्यांनी थेट आयपीएस असलेल्या पुण्यातील एका नवनियुक्त उपायुक्तांची भेट घेतली. सर, हम काजकाज देखें क्या? असं म्हणताच नवनियुक्त उपायुक्तांनी त्यांना चांगलेच धारेवर धरले. ‘दुबारा इधर मत दिखना, छोडूंगा नही’, असं बजावून सांगितलं. पण, या प्रसंगाची चर्चा सध्या पुणे शहर पोलिस दलात जोरदार सुरू आहे. दरम्यान, काही वसुलीवाल्यांना ग्रीन सिग्नल मिळाल्याने त्यांनी आनंदोत्सव साजरा करण्यास सुरूवात केल्याचं देखील ऐकावयास मिळत आहे. (Pune Police)
शहर पोलिस दलात वसुलीवाल्यांचे ‘लोंढे’च्या ‘लोंढे’ वहात असल्याचं चित्र पहावयास मिळतंय. पुणे लाचलुचपत प्रतिबंधक विभागाने मंगळवारी केलेल्या कारवाईवरून वसुलीवाले काय उद्योग करतील आणि कशा प्रकारे वरिष्ठ अधिकार्यांना अडचणीत आणतील याचा नियम नाही. नवनियुक्त पोलिस उपायुक्तांची थेट ओळख नसताना देखील त्यांच्याशी वेगवेगळया माध्यमातून संपर्क साधून कामकाज आपल्या पदरात कशा पध्दतीनं पाडून घेता येईल यावर काही वसुलीवाल्यांनी भर दिला आहे. काही मातब्बर वसुलीवाले तर पडद्याआड राहुन सर्व सुत्र सांभाळत असल्याचं देखील काही घटनांवरून स्पष्ट होतंय. (Pune Police)
कामाकज मिळविण्यासाठी प्रयत्नशील असलेल्या ‘त्या’ दोघांनी नवनियुक्त पोलिस उपायुक्ताची भेट घेतली खरी.
मात्र, उपायुक्तांनी घेतलेल्या पावित्र्यामुळं त्यांच्या पायाखालची जमिन सरकली.
त्यांनी उपायुक्तांचे शब्द कानावर पडल्यानंतर काही वेळातच तेथून काढता पाय घेतला.
नियुक्तीला पिंपरी-चिंचवडमध्ये असताना पुण्यात ‘कामकाजा’ची मागणी होत असल्याने आश्चर्य होत आहे.
दरम्यान, बदलून गेलेल्या उपायुक्तांचं कामकाज पाहणार्यांनी पुर्वीच्या साहेबांकरिवी आपण किती महान आहोत
याबाबतचा कित्ता पुर्वीच्याच साहेबांकडून नवनियुक्त उपायुक्तांकडे गिरविला आहे.
काही वसुलीवाल्यांना सवतासुभा राखण्यात यश आलं आहे.
त्यामुळे ते वसुलीवाले दुसर्यांदा ‘दिवाळी’ साजरी करण्याच्या बेतात आहेत.
Join Our Sarkarsatta, Whatsapp Group, Telegram Group, Facebook Page for every Update
काही उपायुक्तांनी तर वाढीव कर्मचार्यांना जवळ देखील केलं नाही अशी चर्चा आहे.
पण, नवनियुक्त उपायुक्तांचं कामकाज पाहण्याची इच्छा असलेल्यांनी सध्या जंगजंग पछाडले आहे.
या-ना त्या मार्गाने कामकाज आपल्यालाच मिळायला हवं अशी प्रबल इच्छा असणार्यांनी इकडून-तिकडून
फोन आणल्याची देखील सध्या जोरदार चर्चा आहे.
पोलिस ठाण्याच्या हद्दीतील अवैध धंद्यांवर कडक कारवाई करण्याचे आदेश यापुर्वीच
अति वरिष्ठ पोलिस अधिकार्यांनी संबंधितांनी दिले आहेत. मात्र, काही पोलिस ठाण्याच्या वसुलीवाल्यांनी
स्वतःच्या हिम्मतीवर अद्यापही गढ अबाधित राखला आहे. वरिष्ठांपर्यंत हद्दीतील कुठलीही माहिती जाऊ
नये म्हणून अगदी व्यवस्थित ‘मॅनेजमेंट’ सुरू ठेवली आहे. केवळ आणि केवळ चांगल्या कामगिरीची माहिती
वरिष्ठापर्यंत जावी या हेतूने काही जणांची वेगळचं प्लॅनिंग केलंय.
त्याबाबतची माहिती देखील अतिवरिष्ठांना ठाऊक असल्याचं समजतंय.
Web Title :- Pune Police | Sir, can we see that work? Newly appointed Deputy Commissioner of Pune said – ‘Don’t look here again, I won’t leave’, know the case