नवी दिल्ली : वृत्तसंस्था – Rakesh Jhunjhunwala | आकासा एअर (Akasa Air) च्या उड्डाणाची प्रतीक्षा अखेर संपणार आहे. कंपनीने आजपासून
फ्लाईटचे बुकिंग सुरू केले आहे. शेअर बाजारातील (stock market) दिग्गज राकेश झुनझुनवाला (Rakesh Jhunjhunwala) यांनी गुंतवलेले
आकासाचे पहिले उड्डाण 7 ऑगस्ट रोजी होणार आहे. बोईंग 737 मॅक्स (Boeing 737 MAX) विमानासह पहिले उड्डाण मुंबई-अहमदाबाद मार्गावर असेल.
Join Our Sarkarsatta, Whatsapp Group, Telegram Group, Facebook Page for every Update
अकासा एअरने शुक्रवारी एक निवेदन जारी करून ही माहिती दिली आहे. कंपनीने म्हटले आहे की, आम्ही 28 फ्लाईटची तिकिटे विकण्यास सुरुवात केली आहे. 7 ऑगस्टपासून मुंबई-अहमदाबाद मार्गावर आणि 13 ऑगस्टपासून बेंगळुरू-कोची मार्गावर विमानसेवा सुरू होत आहे.
दर महिन्याला दोन नवीन विमाने
आकासा एअरचे सह-संस्थापक आणि मुख्य व्यावसाय अधिकारी प्रवीण अय्यर म्हणाले, आम्ही मुंबई आणि अहमदाबाद दरम्यान नवीन बोईंग 737 मॅक्स विमानाने ऑपरेशन सुरू करत आहोत. आम्ही आमच्या नेटवर्क विस्तार योजनेवर टप्प्याटप्प्याने काम करू. हळूहळू आम्ही नवीन शहरे जोडू. आम्ही आमच्या ताफ्यात दर महिन्याला दोन नवीन विमानांचा समावेश करण्याच्या योजनेसह पुढे जात आहोत. (Rakesh Jhunjhunwala)
एव्हिएशन रेग्युलेटर डायरेक्टरेट जनरल ऑफ सिव्हिल एव्हिएशन (DGCA) ने 7 जुलै रोजी आकासा एअरला एअर ऑपरेटर सर्टिफिकेट (AOC) दिले.
कंपनीला मागील वर्षी डीजीसीएकडून हिरवा झेंडा मिळाल्यानंतर अकासा एयरने 26 नोव्हेंबरला बोईंगसह 72 मॅक्स विमाने खरेदी करण्याचा करार केला होता.
वेगाने नवीन खरेदी
एकीकडे कंपनी आपले कामकाज सुरू करणार असताना दुसरीकडे क्रू मेंबर्सची नियुक्तीही जोरात सुरू आहे.
गेल्या आठवड्यात एका ट्विटमध्ये, कंपनीने एअरलाइन क्षेत्राशी संबंधित अधिकाधिक लोकांना अकासामध्ये अर्ज करण्यास सांगितले होते.
तुम्ही कंपनीच्या वेबसाइटवर नवीन भरतीशी संबंधित पोस्ट देखील पाहू शकता.
Join Our Sarkarsatta, Whatsapp Group, Telegram Group, Facebook Page for every Update
Web Title :- Rakesh Jhunjhunwala | rakesh jhunjhunwalas flight booking starts in akasa air the first flight will be on august 7
Shinde-Fadnavis Government | नव्या सरकारने घेतला आणखी एक निर्णय, 600 कोटींच्या कामांना ‘ब्रेक’