नवी दिल्ली : वृत्तसंस्था– Saving And Investment Tips | या महागाईच्या युगात पैशाचे महत्त्व खूप वाढले आहे. असे म्हणतात की, पैसा हा देव
नसला तरी देवापेक्षा कमी नाही. यामुळेच प्रत्येकाला श्रीमंत (Rich) व्हायचे असते. करोडपती (Crorepati) बनून निवृत्त (Retire) होण्याची अनेकांची
इच्छा असते. एक कोटी रुपये ही मोठी रक्कम आहे. लोक कल्पनाही करू शकत नाहीत की ते त्यांच्या आयुष्यात इतके पैसे कमवू शकतात. (Saving
And Investment Tips)
Join Our Sarkarsatta, Whatsapp Group, Telegram Group, Facebook Page for every Update
पण जर तुम्ही तुमच्या पहिल्या पगारातून (Salary) काही पैसे नियमितपणे वाचवले तर निवृत्तीच्या वयापर्यंत तुम्ही सहज करोडपती होऊ शकता. इक्विटी (Equity) मध्ये गुंतवणुकीवर (Investment) सर्वाधिक रिटर्न देण्याची क्षमता आहे.
पण शेअर मार्केट (Share Markets) मध्ये गुंतवणूक करणे धोक्याचे आहे. अशावेळी तुम्ही म्युच्युअल फंडाच्या (Mutual Fund) SIP मध्ये पैसे गुंतवू शकता. येथे तुम्ही थोडी-थोडी गुंतवणूक करून निवृत्तीपर्यंत करोडपती होऊ शकता.
दररोज 30 रुपये वाचवून व्हा करोडपती
आज आपण असाच एक उपाय जाणून घेणार आहोत, जो समजल्यावर तुम्ही म्हणाल की करोडपती बनणे खूप सोपे आहे. समजा तुम्हाला तुमची पहिली नोकरी वयाच्या 20 व्या वर्षी मिळाली. या वयातच तुम्हाला रोज 30 रुपये वाचवावे लागतील. हे पैसे एसआयपीमध्ये गुंतवून तुम्ही वयाच्या 60 व्या वर्षी करोडपती होऊ शकता. 30 रुपये प्रतिदिनानुसार, तुम्ही दरमहा 900 रुपये वाचवू शकाल. (Saving And Investment Tips)
तुम्हाला म्युच्युअल फंडात एक एसआयपी उघडावी लागेल आणि दर महिन्याला या एसआयपीमध्ये रु.900 गुंतवावे लागतील. तुम्ही एसआयपीमध्ये दर महिन्याला 40 वर्षांसाठी 900 रुपये गुंतवल्यास, तुम्ही 12.5 टक्के व्याजदरासह करोडपती व्हाल. दुसरीकडे, तुमचे वय जास्त असल्यास, तुम्हाला जास्त एसआयपी रक्कम भरावी लागेल.
Join Our Sarkarsatta, Whatsapp Group, Telegram Group, Facebook Page for every Update
इक्विटी म्युच्युअल फंड हा देखील चांगला पर्याय
इक्विटी म्युच्युअल फंड (Equity Mutual Funds) हा देखील चांगला गुंतवणुक पर्याय आहे. तुम्ही तुमची छोटी बचत एसआयपी (SIP) द्वारे इक्विटी म्युच्युअल फंडात गुंतवू शकता. ही बचत तुम्हाला करोडपती बनवू शकते.
ज्या गुंतवणूकदारांना मोठा निधी जमा करायचा आहे आणि गुंतवणूक करण्यासाठी एकरकमी रक्कम नाही, ते एसआयपीद्वारे गुंतवणूक करू शकतात. म्युच्युअल फंडातील (Mutual Funds) दहा वर्षांसाठी एसआयपी तुम्हाला किमान 12 टक्के वार्षिक व्याजदर (Interest Rate) देऊ शकते.
अॅन्यूएल स्टेप-अप एक अद्भुत गोष्ट
इक्विटी म्युच्युअल फंडामध्ये, तुम्ही 10 वर्षांचे लक्ष्य घेऊन देखील चालू शकता. या दहा वर्षांच्या गुंतवणुकीतून तुम्ही एक कोटी रुपयांचा निधी जमा करू शकता. हे लक्ष्य साध्य करण्यासाठी तुम्ही मासिक एसआयपीमध्ये वार्षिक स्टेप-अप वापरू शकता.
स्टेप-अप हे एसआयपीचे वैशिष्ट्य आहे, जे विशिष्ट कालावधीनंतर एसआयपीमध्ये तुमचे योगदान वाढवते.
तुम्ही तुमची एसआयपी रक्कम दरवर्षी काही टक्के वाढवू शकता. अशा प्रकारे, तुम्ही वार्षिक वाढीद्वारे (Yearly Increments) तुमचे उत्पन्न वाढवू शकता आणि तुमच्या आर्थिक उद्दिष्टांनुसार (Financial Goals) एसआयपीची रक्कम वाढवू शकता.
Join Our Sarkarsatta, Whatsapp Group, Telegram Group, Facebook Page for every Update
अशा प्रकारे व्हाल करोडपती
जर तुम्ही 10 वर्षांच्या एसआयपीद्वारे 1 कोटी रुपये उभारण्याचा विचार करत असाल तर तुम्ही वार्षिक स्टेप-अप 20 टक्के ठेवू शकता.
एसआयपी कॅल्क्युलेटर (SIP calculator) नुसार, येथे तुम्हाला 12 टक्के वार्षिक रिटर्नसाठी 21,000 रुपयांच्या
मासिक एसआयपी (Monthly SIP) ने सुरुवात करावी लागेल.
जर मासिक एसआयपी 21,000 रुपये असेल, अंदाजे वार्षिक रिटर्न दर 12 टक्के असेल
आणि वार्षिक स्टेप-अप 20 टक्के असेल आणि कार्यकाळ 10 वर्षे असेल, तर तुम्ही 1 कोटी रुपयांचा निधी जमा करू शकता.
एसआयपी कॅल्क्युलेटरनुसार, दहा वर्षांनंतरची एकूण गुंतवणूक रक्कम 65,41,588 रुपये असेल
आणि रिटर्न रक्कम 38,34,556 रुपये असेल.
अशा प्रकारे तुमच्याकडे रु. 1,03,76,144 चा निधी असेल.
अशा प्रकारे तुम्ही अल्पावधीत करोडपती होऊ शकता.
Web Title :- Saving And Investment Tips | investment tips want to retire by becoming a millionaire only 30 rupees have to be saved daily and invest in mutual fund sip
Ajit Pawar | ‘केतकी चितळेला चांगल्या मनोरूग्णालयात दाखविण्याची गरज’ – अजित पवार
Gold Silver Price Today | सोनं मिळतंय स्वस्त ! आठवड्याभरात सोन्या-चांदीचा दर काय?; जाणून घ्या
Heatwave in India | देशात 2 दिवस उष्णतेची लाट; जाणून घ्या महाराष्ट्रातील स्थिती काय?