पुणे : सरकारसत्ता ऑनलाइन – Pune Crime | आपल्या विरोधकांची माहिती मिळविण्यासाठी इस्त्रायली तंत्रज्ञान असलेल्या ‘पेगासस’ नावाच्या स्पायवेअरमुळे सध्या भारतासह अनेक देशांमध्ये वादविवाद सुरु आहे. हा वाद आता असला तरी पुण्यातील एका पतीने संशयावरुन आपल्या पत्नीची गोपनीय माहिती मिळविण्यासाठी अशा प्रकारच्या सॉफ्टवेअरचा ८ वर्षांपासूनच वापर केल्याचा धक्कादायक प्रकार समोर आला आहे. हा प्रकार पत्नीला समजल्यावर तिला धक्काच बसला. तिने सरळ पोलीस ठाण्यात धाव घेऊन आपल्या पतीविरुद्ध फिर्याद (Pune Crime) दिली आहे.
Join our Sarkarsatta WhatsApp Group Link , Telegram, facebook page for every update
कोथरुड पोलिसांनी (Kothrud Police) विनयभंगासह माहिती तंत्रज्ञान कायद्यानुसार बाणेर (Baner) येथे राहणार्या ३७ वर्षाच्या पतीविरुद्ध गुन्हा (Pune Crime) दाखल केला आहे. याप्रकरणी कोथरुडमधील शिवतीर्थनगर येथे राहणार्या ३४ वर्षाच्या महिलेने कोथरुड पोलीस ठाण्यात फिर्याद दिली आहे. हा प्रकार बाणेर आणि कोथरुडमध्ये २३ डिसेंबर २०१३ पासून ५ मे २०१७ दरम्यान हा प्रकार घडल्याचे फिर्यादीत म्हटले आहे.
याबाबत पोलिसांनी दिलेल्या माहितीनुसार, फिर्यादी आणि आरोपी हे दोघे पतीपत्नी आहेत. फिर्यादी यांच्याकडे त्यांचे पती वारंवार पैशांची मागणी करीत
असत. त्यावरुन त्यांच्यात वाद होत होते. फिर्यादीच्या चारित्र्यावर पती संशय घेत असत. त्यावरुन त्यांना शिवीगाळ व मारहाण करीत आहे. फिर्यादी यांना त्यांच्या पतीने २०१३ मध्ये एक मोबाईल भेट दिला होता. या मोबाईलमध्ये स्पाय अॅप अँड रेकॉर्डर नावाचे अॅप अगोदर डाऊनलोड करुन ठेवण्यात आले होते. या अॅपद्वारे त्यांची सर्व गोपनीय माहिती परस्पर आरोपी पतीने त्यांच्या स्वत:च्या वैयक्तिक लॅपटॉप व मोबाईलमध्ये घेऊन त्याचा गैरवापर केला. कोथरुड पोलिसांनी गुन्हा दाखल केला असून पोलीस निरीक्षक बडे अधिक तपास करीत आहेत.
Web Title : Pune Crime | kothrud police registered crime against husband who download software in wife mobile