पुणे : सरकारसत्ता ऑनलाइन– Ajit Pawar | राष्ट्रवादी काॅग्रेस पक्षाचे (NCP) अध्यक्ष शरद पवार (Sharad Pawar) यांनी काल (बुधवारी) झालेल्या कार्यक्रमादरम्यान बोलताना मोठा गौप्यस्फोट केला. राज्यात भाजप आणि राष्ट्रवादी (BJP and NCP) एकत्र येण्याची चर्चा होती. पण ती आम्ही नाकारली. असं पवार म्हणाले. पहाटेच्या शपथविधीसाठी तुम्हीच अजित पवार यांना पाठवलं होतं असा सवाल यावेळी शरद पवार यांना विचारण्यात आला होता. ‘मी पाठवलं असतं तर सत्ता स्थापन झाली असती,’ असं शरद पवार म्हणाले. यावरून राज्याचे उपमुख्यमंत्री अजित पवार (Ajit Pawar) यांना माध्यमांनी हाच सवाल केल्यावर ते चांगलेच संतापले.
Join Our Sarkarsatta, Whatsapp Group, Telegram Group, Facebook Page for every Update
अजित पवार (Ajit Pawar) आज (गुरूवारी) पुण्यात आले होते. कोरोना रुग्णवाढीच्या मुद्द्यावर त्यांनी माध्यमांशी सवाद साधला. त्यादरम्यान एका पत्रकाराने प्रश्न केला. पहाटेच्या शपथविधीसाठी शरद पवार यांनीच तुम्हाला पाठवलं होतं असं म्हटलं जात आहे, याबाबत विचारलं असता अजित पवार चांगलेच संतापले. ‘हे बघा याबाबत मी वारंवार बोललो आहे आणि तरीही तुम्ही तेच तेच उगाळत बसले आहात. त्याबद्दल मी अगदी स्पष्टपणे याआधीच सांगितलं आहे की मी मला वाटेल तेव्हा मी बोलेन. तो माझा अधिकार आहे,’ असं ते म्हणाले.
दरम्यान, पुढे अजित पवार म्हणाले, ओमायक्रॉनचं (Omicron Variant) संकट दिवसेंदिवस वाढत आहे.
मी तर नेहमीच मास्क वापरण्याबाबत काटेकोरपणे सर्वांत सांगत आलो आहे. मुंबई आणि पुण्यात रुग्णसंख्या झपाट्यानं वाढते आहे.
त्यामुळे निर्बंधाबाबत (Restrictions) सरकारला विचार करावा लागेल.
ओमायक्रॉनची तीव्रता सौम्य असली तरी तो कोरोनाच आहे हे जनतेने लक्षात घ्यावं.
त्यामुळे जास्तीत जास्त काळजी बाळगणं गरजेचं आहे. राजकीय नेत्यांनीही लग्न समारंभांबाबत जरा सामाजिक भान राखून निर्णय घ्यावेत.
Join Our Sarkarsatta, Whatsapp Group, Telegram Group, Facebook Page for every Update
Web Title :- Ajit Pawar | ajit pawar in pune says i will speak whenever i feel it its my right