नवी दिल्ली : EPFO Change Rule | कर्मचारी भविष्य निर्वाह निधी संघटनेने आपल्या कर्मचाऱ्यांचा प्रोव्हिडंट फंड, पेन्शन आणि इन्श्युरन्स कॉन्ट्रीब्यूशन डिपॉझिट करण्यात चुकवल्यास अथवा उशीर केल्यास एम्प्लॉयर्सवर लागत असलेला पेनल चार्ज कमी केला आहे. पूर्वी एम्प्लॉयर्सवर हा चार्ज सर्वात जास्त २५ टक्के होता. परंतु आता कमी करून बाकीच्या प्रति महिना १ टक्का अथवा १२ टक्के वार्षिक केला आहे. ईपीएफओकडून एम्प्लॉयर्ससाठी हा मोठा दिलासा आहे.
कामगार मंत्रालयाने शनिवारी जारी केलेल्या नोटिफिकेशनमध्ये म्हटले आहे की, तीन योजना कर्मचारी पेन्शन योजना, एम्प्लाई प्रोव्हिडंट फंड योजना आणि ईपीएफओ अतंर्गत एम्प्लॉईज डिपॉझिट लिंक्ड इन्श्युरन्स स्कीममध्ये एम्प्लॉयरकडून दंड प्रति महिना काँट्रीब्यूशनच्या बाकीच्या १ टक्के अथवा प्रति वर्ष १२ टक्केच्या दराने वसूल केला जाईल.
अजूनपर्यंत महिन्यापर्यंतच्या बाकीवर ५ टक्के वार्षिक, दोन पेक्षा जास्त आणि चार महिन्यापेक्षा कमी वर १० टक्के दंड लागत होतो. याशिवाय, ४ महिन्यापेक्षा जास्त आणि ६ महिन्यापेक्षा कमीवर १५ टक्के दंड लागत होता. तर ६ महिने आणि त्यापेक्षा जास्तीच्या बाकीवर २५ टक्के दंड प्रति वर्ष लावला जात होता. आता नवीन दंडाचा नवीन नियम नोटिफिकेशनच्या तारखेपासून लागू होईल.
नव्या नियमानुसार, आता एम्प्लॉयरला कमी दंड द्यावा लागेल. सोबतच २ महिने अथवा ४ महिन्याच्या बाकीवर दंडाची रक्कम दर महिन्याला १ टक्केच्या हिशोबाने द्यावी लागेल. याचा अर्थ असा आहे की, कंपनीसाठी दंडाची रक्कम सुमारे दुप्पटीपेक्षा जास्त कमी झाली आहे.