नवी दिल्ली : Money Makes Money | आपल्या देशात बहुतांश लोक खर्चावर फोकस करतात, नंतर जे पैसे वाचतात, त्यांची बचत करतात. ही एक मोठी चूक आहे, जी सर्वप्रथम सुधारण्याची गरज आहे. जर तुम्ही नोकरी करत असाल तर दर महिन्याला सॅलरी मिळत असेल, अथवा बिझनेस करत असाल तर सर्व प्रथम पैसे मिळाल्यानंतर त्यामधून गुंतवणुकीसाठी ठराविक रक्कम वेगळी काढा, उर्वरित पैशातून महिन्याचा खर्च चालवा.
पैशाने पैसे तयार होतात…
जोपर्यंत तुम्ही स्वता कष्ट करत राहाल, महिन्याचा खर्च तर सहज सुटत राहील, परंतु आर्थिक ध्येय प्राप्त करण्यात अडचणी येतील. जर तुम्ही गुंतवणुकीसाठी ठराविक रक्कम बाजूला केली, तर मोठे लक्ष्य प्राप्त करू शकाल. कारण तुम्ही गुंतवणुकीला पहिले प्राधान्य दिले आहे.
जर तुम्ही सॅलरीड असाल, तर हे ठरलेले आहे की जोपर्यंत नोकरी करण्यासाठी लायक आहात तोपर्यंत नोकरी करत रहाल. कमाल ६० वर्ष वयापर्यंत हे शक्य आहे, परंतु जर तुम्ही पैशांना कामाला लावले तर तर आर्थिक लक्ष्य सोपे होईल. याबाबत जाणून घेऊया.
१० वर्षानंतर आनंदच आनंद
जर पैशाला कामाला लावले तर पैसाच पैसा मिळेल. जर कोणीही सतत १० वर्षापर्यंत आपल्या सॅलरीच्या ३० टक्के भागाची गुंतवणूक केली तर तो ११व्या वर्षी त्याला वाटेल की स्वता काम करण्यापेक्षा पैशांना कामाला लावणे चांगले आहे.
उदाहरणार्थ तुमची सॅलरी ५० हजार रुपये मासिक आहे, तर तुम्ही सर्वप्रथम त्यामधून ३० टक्के म्हणजेच १५ हजार रुपये महिना वाचवण्यास सुरू करा. उर्वरित ३५ हजार रुपयात घर चालवा. सेविंगसाठी ठराविक १५ हजार रुपयांपैकी १० हजार रुपये महिन्याच्या म्युच्युअल फंडात एसआयपी सुरू करा, उर्वरित ५००० रुपये शेयर बाजार, ईटीएफ, कॉर्पोरेट बाँड आणि गोल्ड बाँडमध्ये गुंतवू शकता.
कुठे करावी गुंतवणूक?
इतकेच नव्हे तर, नोकरीच्या सुरुवाच्या १० वर्षापर्यंत बँक अथवा पोस्ट ऑफिसमध्ये फिक्स्ड डिपॉझिटबाबत विचार करू नका, कारण वार्षिक ७ ते ८ टक्के रिटर्नने आजच्या काळात काहीही होणार नाही. यासाठी थोडी जोखीम आवश्यक आहे.
जेव्हा तुम्ही रिस्क घेऊन म्युच्युअल फंड आणि डायरेक्ट इक्विटी मार्केटमध्ये पैसे लावाल, तर रिटर्न ताबडतोब कमी मिळेल, परंतु दिर्घ कालावधीत मोठा रिटर्न शक्य आहे, ज्यामधून तुम्ही मोठी रक्कम मिळवू शकता.
यानुसार सतत १० वर्षापर्यंत गुंतवणुकीनंतर तुम्हाला स्वताला अनुभव येईल की कशाप्रकारे पैशातून पैसा तयार होतो