Pune Crime News | पुणे क्राईम न्यूज : हडपसर पोलिस स्टेशन

पुणे : सरकारसत्ता ऑनलाईन- Pune Crime News | घरी दारु पिऊन शिवीगाळ करीत असलेल्या वडीलांशी झालेल्या वादातून मुलाने वडिलांना काठीने मारहाण करुन त्यांचा गळा दाबून खून (Murder In Pune) केल्याचा प्रकार उघडकीस आला आहे. (Pune Crime News)

Join Our Sarkarsatta, Whatsapp Group, Telegram Group, Facebook Page for every Update

रवि क्षीरसागर (वय ५२) असे खून झालेल्याचे नाव आहे. पोलिसांनी ओंकार रवी क्षीरसागर (वय २७, रा. मांजरी – Manjri) याला अटक केली आहे.

त्यांची पत्नी रेखा रवी क्षीरसागर (वय ४३, रा. घुले पाटील कॉलनी, मांजरी) यांनी हडपसर पोलीस ठाण्यात (Hadapsar Police Station) फिर्याद (गु. रजि. नं. ७१६/२३) दिली आहे. ही घटना मांजरीतील घुले पाटील कॉलनीत (Ghule Patil Colony) ९ मे रोजी दुपारी १२ वाजता घडला.

याबाबत पोलिसांनी दिलेल्या माहितीनुसार, फिर्यादी यांचा पती रवी हा चप्पल शिवण्याचे काम करत असत.
त्याचा मुलगा ओंकार हा काही काम करत नाही. रवी हा नेहमी दारु पिऊन येऊन शिवीगाळ करीत असे.
९ मे रोजी तो असाच दारु पिऊन घरी आला व शिवीगाळ करु लागला.
त्याचा राग येऊन ओंकार याने वडिलांना काठीने मारहाण केली. त्यांचा गळा दाबला. त्यात रवी हा निपचित पडला.
त्यानंतर ओंकार निघून गेला. फिर्यादी यांना पती निपचित पडून असल्याचे दिसल्यावर त्यांनी रवीला रुग्णालयात नेले. तेथे डॉक्टरांनी मयत झाल्याचे जाहीर केले. शवविच्छेदनात त्यांचा गळा दाबून खून करण्यात आल्याचे निष्पन्न झाले. त्यानंतर फिर्यादी यांनी चौकशी केल्यावर मुलानेच त्यांचा गळा दाबून मारल्याचे उघड झाले.
पोलिसांनी ओंकार क्षीरसागर याला अटक केली असून सहायक पोलीस निरीक्षक जाधव (API Jadhav) तपास करीत आहेत.