पुणे – सरकारसत्ता ऑनलाइन– Corporator Vasant More | माजी खासदार अनिल शिरोळे (Former MP Anil Shirole) यांनी खासदार निधीतून
बसविण्यात आलेले १५ ई टॉयलेटस् (e-Toilet in Pune) बसविल्यानंतर अल्पावधीतच नादुरूस्त होउन बंद पडले आहेत. या टॉयलेटस्साठी खर्च
करण्यात आलेले २ कोटी रुपये हे माजी खासदार, शिवाजीनगर मतदारसंघाचे आमदार (Shivajinagar MLA) आणि ज्या नगरसेवकांच्या प्रभागात
बसविण्यात आले आहेत, त्या नगरसेवकांच्या मानधनातून वसुल करावेत अशी मागणी मनसेचे शहर अध्यक्ष वसंत मोरे (Corporator Vasant More)
यांनी आज पत्रकार परिषदेत केली.
Join Our Sarkarsatta, Whatsapp Group, Telegram Group, Facebook Page for every Update
याप्रसंगी मनसेच्या पर्यावरण विभागाचे शहर अध्यक्ष नितीन जगताप (MNS Nitin Jagtap) उपस्थित होते. मोरे यांनी सांगितले, की भाजपचे माजी
खासदार अनिल शिरोळे यांच्या खासदार निधीतून २०१८ मध्ये शहरात ११ ठिकाणी १५ अत्याधुनिक ई टॉयलेटस् बसविण्यात आले होते. यापैकी ९
टॉयलेटस् ही एकट्या शिवाजीनगर मतदारसंघातील प्रभाग क्र. १४ मध्ये बसविण्यात आली आहेत. शिरोळे यांचे चिरंजीव सिद्धार्थ शिरोळे हे या प्रभागाचे नगरसेवक आणि २०१९ मध्ये मतदारसंघाचे आमदारही झाले आहेत. केवळ विधानसभा निवडणुक डोळ्यासमोर ठेवून हा उपक्रम राबविण्यात आला. तर अन्य भागातील टॉयलेटस् ही अगदी मागीलवर्षी फेब्रुवारीमध्ये व भाजपच्याच नगरसेवकांच्या प्रभागात बसविण्यात आली आहेत.
यापैकी ७० टक्क्यांहून अधिक ई टॉयलेटस् ही सध्या अस्तित्वात असलेल्या सार्वजनिक शौचालयांच्या भोवतीच बसविण्यात आली आहेत. आजमितीला सर्वच्या सर्व ई टॉयलेटस् बंद आहेत. टॉयलेटस्च्या अंतर्गत भागाची फोडतोड झाली असून बसविल्यानंतर अल्पावधीतच बहुतांश ठिकाणची टॉयलेटस् बंद केली गेली आहेत. खासदार निधीचा पैसा हा जनतेतूनच गोळा करण्यात येतो. परंतू केवळ पुत्रप्रेमापोटी त्याची अशा पद्धतीने उधळपट्टी केली गेली आहे. ही टॉयलेटस् उभारण्यासाठी खर्च करण्यात आलेले दोन कोटी रुपये माजी खासदार शिरोळे, त्यांचे चिरंजीव आमदार सिद्धार्थ शिरोळे (MLA Siddharth Shirole) व भाजपच्या संबधित नगरसेवकांच्या मानधनातून वसुल करावी, अशी मागणी मोरे (Corporator Vasant More) यांनी यावेळी केली.
Web Title : Corporator Vasant More | 15 toilets installed from MP fund are closed; Expenditure of Rs 2 crore for erection should be recovered from the concerned people’s representatives – demand of MNS
Ration Card वर इतर कुणी घेत असेल लाभ तर रद्द होईल तुमचे कार्ड आणि भरावा लागेल दंड? जाणून घ्या
Pune Metro | …म्हणून शरद पवारांनी मेट्रोतून प्रवास केला; महामेट्रोनं सांगितलं