पुणे : सरकारसत्ता ऑनलाईन – Pune Crime | पत्नीशी प्रेमसंबंधातून वाद झाल्यानंतर प्रियकराने पतीच्या डोक्यात कोयत्याने वार करुन त्याला जीवे मारण्याचा प्रयत्न केला. (Pune Crime)
याप्रकरणी संगमवाडी येथे राहणार्‍या एका ३२ वर्षाच्या तरुणाने येरवडा पोलीस ठाण्यात (Yerwada Police Station) फिर्याद (गु. रजि. नं. ६०७/२२) दिली आहे. त्यानुसार पोलिसांनी कानिफनाथ ऊर्फ कानक्या कोलार (वय ४०, रा. संगमवाडी) याला अटक केली आहे. हा प्रकार संगमवाडी गावठाणातील (Sangamwadi Gaothan) गणेश मंदिरासमोरील रोडवर शनिवारी रात्री साडेआठ वाजता घडला. (Pune Crime)
Join Our Sarkarsatta, Whatsapp Group, Telegram Group, Facebook Page for every Update
याबाबत पोलिसांनी दिलेल्या माहितीनुसार, फिर्यादी हे त्यांच्या पत्नीपासून मागील दोन वर्षापासून वेगळे रहात आहेत. त्यांची पत्नी आणि कानिफनाथ कोलार यांच्यामध्ये प्रेमसंबंध असल्याने त्यावरुन फिर्यादी आणि आरोपींमध्ये वाद झाला होता. फिर्यादी हे शनिवारी रात्री रिक्षातून घरी जात होते. त्यावेळी कोलार याने रिक्षा थांबवून त्यांना शिवीगाळ केली. रिक्षातून खाली खेचून त्यांच्याजवळील कोयत्याने फिर्यादी यांच्या डोक्यात व हातावर वार करुन गंभीर जखमी केले. त्यानंतर तो पळून गेला. फिर्यादी यांना नवी सांगवीतील प्राईम मल्टिस्पेशालिटी हॉस्पिटलमध्ये दाखल करण्यात आले आहे.
पोलिसांनी कानिफनाथवर खूनाचा प्रयत्न केल्याचा गुन्हा दाखल करुन अटक केली आहे. पोलीस उपनिरीक्षक पाटील तपास करीत आहेत.
Web Title :- Pune Crime | Wife’s lover attempts to stab husband to death; Incident in Sangamwadi Gaothan
Pune Crime | कात्रज परिसरात महिलेसह तरुणाची एकाच घरात गळफास घेऊन आत्महत्या, प्रचंड खळबळ