नवी दिल्ली : वृत्तसंस्था – EPFO | तुम्ही खाजगी कंपनीत काम करत असाल किंवा तुम्ही सरकारी कर्मचारी असाल तर तुमचा भविष्य निर्वाह निधी (PF) तुमच्या पगारातून कापला गेला पाहिजे. पण, तुम्ही तुमच्या भविष्य निर्वाह निधीची ऑनलाइन चौकशी केली आहे का ? (EPFO)
Join Our Sarkarsatta, Whatsapp Group, Telegram Group, Facebook Page for every Update
PF बद्दल माहिती मिळवण्यासाठी तुमच्याकडे युनिव्हर्सल अकाउंट नंबर म्हणजेच UAN नंबर असणे आवश्यक आहे, त्याशिवाय तुम्ही तुमच्या पीएफ किंवा पीएफ च्या पैशांबद्दल कोणतीही माहिती मिळवू शकणार नाही.
कर्मचारी भविष्य निर्वाह निधी संघटना (EPFO) ने आपल्या सदस्यांना यूएएन क्रमांक जाणून घेण्यासाठी एक नवीन आणि सोपा पर्याय आणला आहे, ज्याद्वारे कर्मचारी आपला थेट यूएएन क्रमांक तयार करू शकतात आणि सहजपणे पीएफ काढू शकतात.
आधार आणि मोबाईल नंबर लिंक असणे आवश्यक
EPF सदस्य त्यांचा युनिव्हर्सल अकाउंट नंबर (यूएएन) स्वत: जनरेट करू शकतात. यासाठी EPFO ने आता डायरेक्ट जनरेट यूएएनची सुविधा दिली आहे. यासाठी तुमचा मोबाईल नंबर तुमच्या आधार कार्डसोबत लिंक असायला हवा.
थेट यूएएन जनरेट करण्यासाठी आधार आधारित वन टाइम पासवर्ड (ओटीपी) आवश्यक आहे. जर तुमचा मोबाईल नंबर आधारशी लिंक नसेल तर तुम्ही थेट यूएएन नंबर जनरेट करू शकणार नाही. परंतु, जर तुमचा नंबर आधारशी लिंक असेल, तर ईपीएफओ तुमची सर्व माहिती थेट पडताळणीसाठी घेईल.
Join Our Sarkarsatta, Whatsapp Group, Telegram Group, Facebook Page for every Update
यूएएन डायरेक्ट जनरेट करण्याचा सोपा मार्ग
– सर्वप्रथम तुम्ही ईपीएफओच्या अधिकृत साइटवर जा.
– यानंतर तुम्हाला डायरेक्ट UAN Allotment by Employees वर क्लिक करा.
– यानंतर तुम्हाला येथे आधार लिंक केलेला मोबाईल नंबर विचारला जाईल. नंबर आणि कॅप्चा भरल्यानंतर जनरेट ओटीपीवर क्लिक करा.
– जनरेट ओटीपीवर क्लिक केल्यानंतर, तुम्हाला ओटीपी विचारला जाईल, जो तुमच्या आधार लिंक केलेल्या नंबरवर जाईल. तो ओटीपी इथे सबमिट करा.
– यानंतर येथे तुम्हाला तुमच्या नियोक्त्याबद्दल (कंपनी/फॅक्टरी/आस्थापना) विचारले जाईल, जिथे तुम्हाला येस करावे लागेल.
– पुढील टप्प्यात, तुम्हाला तुमच्या रोजगाराची श्रेणी भरावी लागेल.
– यानंतर तुम्हाला आस्थापना पीएफ कोड क्रमांक विचारला जाईल.
– पुढील स्टेपमध्ये, तुम्हाला तुमच्या कंपनीत जॉईन होण्याची तारीख आणि ओळखीचा प्रकार सांगावा लागेल.
– यानंतर तुम्हाला ओळखपत्र क्रमांक (आधार क्रमांक) आणि कॅप्चा भरावा लागेल, त्यानंतर तुम्हाला एक ओटीपी (आधार लिंक केलेल्या क्रमांकावर) मिळेल.
– ओटीपी सबमिट केल्यावर, एक मोठा रजिस्टर फॉर्म उघडेल, जिथे तुम्हाला संमती देणार्‍या नोंदणीवर क्लिक करावे लागेल.
– ही प्रक्रिया पूर्ण केल्यानंतर, तुमचा यूएएन जनरेट होईल. तुमच्या मोबाईल नंबरवर यूएएन नंबर येईल.
Join Our Sarkarsatta, Whatsapp Group, Telegram Group, Facebook Page for every Update
Web Title :- EPFO | epf members can now generate direct uan by following these easy steps