Maharashtra Political News | अजित पवारांच्या भोवती संशयाचे ढग,

मुंबई : सरकारसत्ता ऑनलाईन- Maharashtra Political News | महाराष्ट्रातील राजकारणात मागील काही दिवसांपासून संशयाचे ढग निर्माण झाले
होते. राष्ट्रवादीचे (NCP) नेते अजित पवार (Ajit Pawar) हे पक्षात नाराज असल्यामुळे ते आपल्या समर्थक आमदारांसोबत भाजपमध्ये (BJP) जाणार
असल्याच्या चर्चा रंगल्या होत्या. मात्र, अजित पवार यांनी मंगळवारी पत्रकाराशी संवाद साधताना राजकीय (Maharashtra Political News) वर्तुळात
सुरु असलेल्या चर्चा फेटाळून लावल्या. तसेच आपण राष्ट्रवादीत काँग्रेसमध्ये राहणार असल्याचे स्पष्ट केलं.

Join Our Sarkarsatta, Whatsapp Group, Telegram Group, Facebook Page for every Update

राज्यात एकिकडे राष्ट्रवादी आणि अजित पवार यांच्या सभोवती संशयाचे ढग दाटलेले असतानाच उपमुख्यमंत्री देवेंद्र फडणवीस (DyCM Devendra Fadnavis) हे माध्यमांसमोर आले नाहीत. त्यामुळे ते नेमकं आहेत कुठं? अशा चर्चा सुरु झाल्या. फडणवीस यांनी 15 एप्रिलला नागपूरमध्ये माध्यमांशी संवाद साधला. त्यानंतर ते जाहीर कार्य़क्रमात बोलले, मात्र माध्यमांसमोर आले नाहित.

आता ते मुंबईत मीडियासमोर (Maharashtra Political News) आले. यावेळी त्यांनी राज्य मंत्रिमंडळाने घेतलेल्या निर्णयाबद्दल (Maharashtra Cabinet Decision) माहिती दिली, ही माहिती दिल्यानंतर ते पत्रकारांशी संवाद न साधताच निघून गेले.

काय म्हणाले फडणवीस?

शेतकऱ्यांना दिवसा वीज (Uninterrupted Power Supply) देण्यासाठी सोलराइजेशन (Solarization) करण्याचा कार्यक्रम आम्ही हातात घेतला आहे. सोलारची वीज दिवसा तर मिळेलच, पण ही वीज 3 रुपये ते 3.30 पैशांपर्यंत आपल्याला मिळणार आहे. आपण जी सबसिडी देत आहोत त्यात मोठ्या प्रमाणात घट होणार आहे. कोळसा वापरून वीज निर्मितीमध्ये (Electricity Generation) जी पर्यावरणाची हानी होत आहे, ते देखील होणार नाही, असं फडणवीस म्हणाले.

साखर कारखान्यांच्या प्रस्तावासंदर्भात उपसमिती तयार करण्यात आली आहे. काही तत्व तयार करायला सांगण्यात आलं आहे. कारखान्याच्या अॅसेट व्हॅल्यूच्या किती टक्के लोन काढता येते, याबाबत आरबीआयने नियम केले आहेत. काही निकष ठरवायला सांगितले आहेत. या निकषांमध्ये जे बसतील त्याचा विचार उपसमिती करेल, असं फडणवीस यांनी सांगितलं.