पुणे : सरकारसत्ता ऑनलाइन – MLA Sharad Ranpise | काँग्रेसचे विधान परिषदेचे आमदार शरद रणपिसे (MLA Sharad Ranpise) यांचे आज सकाळी पुण्यात निधन झाले. मृत्यूसमयी ते 72 वर्षांचे होते. आमदार रणपिसे यांचा मृत्यू हृदयविकाराच्या झटक्याने झाल्याचे सांगण्यात आले. ते काँग्रेसचे (Congress) विधान परिषद गटनेते होते.
Join our Sarkarsatta WhatsApp Group Link , Telegram, facebook page for every update
आमदार शरद रणपिसे (MLA Sharad Ranpise) यांनी पुण्यातील जोशी हॉस्पिटलमध्ये अखेरचा श्वास घेतला. 72 वर्षीय आ. रणपिसे यांचे हर्नियाचे ऑपरेशन झाल्यानंतर त्यांना हृदयविकाराचा झटका आला. यानंतर त्यांची बायपास सर्जरी करण्यात आली.
पुण्यातील जोशी हॉस्पिटलमध्ये चार-पाच दिवसांपासून त्यांच्यावर उपचार सुरू असतानाच आज त्यांची प्राणज्योत मालवली.
काँग्रेसचे ज्येष्ठ नेते व विधानपरिषदेचे गटनेते आमदार शरद रणपिसे यांच्या निधनाने काँग्रेस पक्षाची मोठी हानी झाली असून एक अभ्यासू व्यक्तीमत्व हरपले आहे. त्यांना भावपूर्ण श्रद्धांजली.
काँग्रेस पक्ष त्यांच्या कुटुंबियांच्या दुःखात सहभागी आहे! pic.twitter.com/y0iycbNqCB
— Maharashtra Congress (@INCMaharashtra) September 23, 2021
आमदार सुरेश रणपिसे यांचा जन्म पुणे शहरात 18 सप्टेंबर 1951 साली झाला.
त्यांचे शिक्षण बी. कॉम.पर्यंत झाले होते. काँग्रेस पक्षात त्यांनी आपली राजकीय कारकिर्द केली.
ते अनेक संस्थांशी संबंधीत होते. शिवाय काँग्रेस पक्षातसुद्धा त्यांनी विविध महत्वाच्या पदांची जबाबदारी सांभाळली होती.
आमदार शरद रणपिसे हे रामराज्य शिक्षण संस्था, पुणे, उर्दू शिक्षण संस्था, इंदिरा नगर, पुणे, महाराष्ट्र युथ वेल्फेअर फांऊडेशन, पुणे आणि रामराज्य सहकारी बँकेचे संस्थापक होते.
ते 1979-85 या कालावधीत पुणे महापालिकेचे नगरसेवक तर 1983-84 ला गलिच्छ वस्ती निर्मूलन, गृहनिर्माण व समाज कल्याण समितीचे अध्यक्ष होते.
तसेच 1994-95 मध्ये ते उर्वरित महाराष्ट्र वैधानिक विकास मंडळ, पुणे चे सदस्य होते.
1969 ते काँग्रेस पक्षाचे सदस्य होते तर 1978 मध्ये ते पुणे शहर इंदिरा काँग्रेस पक्षाचे संस्थापक सदस्य होते.
1973 साली त्यांनी महाराष्ट्र प्रदेश काँग्रेस कमिटीच्या सरचिटणीस पदाची जबाबदारी सांभाळली होती.
Web Title : MLA Sharad Ranpise | Congress Legislative Council group leader MLA Sharad Ranapise dies of heart attack in Pune
LIC ने सर्व पॉलिसीधारकांसाठी जारी केली महत्वाची सूचना, तात्काळ जाणून घ्या अन्यथा…
EPFO | पीएफ खातेधारकांनी केली ‘ही’ मोठी चूक तर रिकामे होईल खाते, जाणून घ्या