सरकारसत्ता ऑनलाइन – Stroke Risk | स्ट्रोक ही एक गंभीर स्थिती आहे. जेव्हा मेंदूला रक्तपुरवठा थांबतो तेव्हा ती उद्भवते. ही एक न्यूरोलॉजिकल समस्या आहे, ज्याला ब्रेन अटॅक देखील म्हणतात. सोप्या शब्दात समजून घ्यायचे झाले तर मेंदूतील रक्तवाहिन्या फुटून रक्तस्त्राव सुरू झाला की स्ट्रोकची स्थिती येते. अशावेळी व्यक्तीचा मृत्यूही होतो. जगासोबत भारतातही स्ट्रोकच्या रुग्णांमध्ये झपाट्याने वाढ होत आहे. नुकतेच एक संशोधन करण्यात आले आहे. ज्यामध्ये कोणत्या रक्तगटाच्या लोकांना स्ट्रोकचा जास्त धोका असतो ते सांगितले आहे. या संशोधनात तुमच्या रक्तगटाचाही उल्लेख असेल, तर तुम्ही सावध राहून तुमची जीवनशैली सुधारण्याची गरज आहे. (Stroke Risk)
Join Our Sarkarsatta, Whatsapp Group, Telegram Group, Facebook Page for every Update
या लोकांना स्ट्रोकचा धोका जास्त
डेलीमेलच्या वृत्तानुसार, संशोधकांचे म्हणणे आहे की, कोणत्याही व्यक्तीच्या रक्तगटावरून स्ट्रोकचा धोका निश्चित करता येऊ शकतो. अमेरिकन संशोधकांनी स्ट्रोक आणि इस्केमिक स्ट्रोक (स्ट्रोकचा सर्वात सामान्य प्रकार) च्या अनुवांशिकतेमध्ये अनेक संशोधनांचे पुनरावलोकन केले. इस्केमिक स्ट्रोक तेव्हा होतो जेव्हा रक्ताची गुठळी मेंदूला रक्त आणि ऑक्सिजनचा पुरवठा रोखते. हा स्ट्रोकचा सर्वात सामान्य प्रकार आहे, जो प्रत्येक 10 पैकी 9 प्रकरणांमध्ये होतो. रक्ताच्या गुठळ्या सामान्यतः अशा ठिकाणी तयार होतात जिथे रक्तवाहिन्या कालांतराने अरुंद होतात. (Stroke Risk)
शास्त्रज्ञांना आढळले की, रक्तगट ए असलेल्या लोकांना 60 वर्षापूर्वी स्ट्रोकचा धोका इतर सर्व रक्तगटांच्या लोकांपेक्षा 16 टक्के जास्त असतो. रक्तगटासोबतच लिंग, वजन आणि इतर घटकही कारणीभूत असतात.
शिवाय, बी रक्तगट असलेल्या लोकांना स्ट्रोकचा धोका थोडा जास्त होता परंतु ओ रक्तगट असलेल्यांना सर्वात कमी धोका होता. संशोधकांनी सांगितले की, काही रक्तगटांसाठी हा धोका किरकोळ होता आणि लोकांनी याबद्दल काळजी करू नये.
ओ रक्तगटाच्या लोकांना दिलासा
न्यूरोलॉजी जर्नलमध्ये प्रकाशित अभ्यासानुसार, मेरीलँड विद्यापीठाच्या टीमने 7,000 स्ट्रोक रुग्ण आणि वेगवेगळ्या संशोधनात सहभागी असलेल्या 6 लाख लोकांच्या आरोग्याची तपासणी केली. त्यांना असे आढळले की ओ रक्तगट असलेल्या लोकांना वयाच्या 60 वर्षापूर्वी स्ट्रोक होण्याची शक्यता 12 टक्के कमी होती, तर बी आणि एबी रक्तगटावर कोणताही परिणाम झाला नव्हता.
संशोधनात असेही म्हटले आहे की ए रक्तगट असलेल्या लोकांमध्ये, प्रत्येक 16 प्रकरणांपैकी एका प्रकरणात स्ट्रोकचे कारण केवळ त्यांचा रक्तगट ठरू शकतो. संशोधनाचे को-इन्व्हेस्टिगर आणि न्यूरोलॉजीचे प्राध्यापक डॉ. स्टीव्हन किटनर यांच्या मते, लोकांमध्ये लवकर स्ट्रोकची लक्षणे दिसून येत आहेत. स्ट्रोकमुळे लोकांचा मृत्यू होण्याची शक्यता जास्त आहे आणि जे वाचत आहेत त्यांना अपंगत्व येत आहे. रक्तगट ए ला जास्त धोका का असतो हे आम्हाला अजूनही समजलेले नाही.
Join Our Sarkarsatta, Whatsapp Group, Telegram Group, Facebook Page for every Update
या रक्तगटांच्या लोकांना इतके टक्के जास्त धोका
ओ पॉझिटिव्ह (O positive) : 38% अधिक
ओ निगेटिव्ह (O negative) : 7% अधिक
ए पॉझिटिव्ह (A positive) : 34% अधिक
ए निगेटिव्ह ( A negative) : 6% जास्त
बी पॉझिटिव्ह (B positive) : 9% अधिक
बी निगेटिव्ह (B negative) : 2% अधिक
एबी पॉझिटिव्ह (AB positive) : 3% अधिक
एबी निगेटिव्ह (AB negative) : 1% अधिक
अनुवांशिक जोखीम समजून घेण्यात मदत
चॅरिटी स्ट्रोक असोसिएशनचे रिसर्च कम्युनिकेशन आणि एंगेजमेंटचे लीड डॉ. क्लेअर जोनास यांच्या मते, नवीन संशोधन स्ट्रोकचा अनुवांशिक धोका समजून घेण्यासाठी एक चांगले पाऊल आहे. रक्तगट ए असलेल्या लोकांना लवकर स्ट्रोकचा धोका का असू शकतो हे अद्याप आम्हाला समजलेले नाही. याचा अर्थ असा की स्ट्रोकच्या प्रतिबंधासाठी आम्ही प्राथमिक उपचार देखील विकसित करू शकलेलो नाही. मात्र, हे संशोधन स्ट्रोकच्या इतर जोखमींबद्दल जाणून घेण्यास आणि त्यांचे परीक्षण करण्यात मदत करू शकते. प्रत्येकाने स्ट्रोकचा धोका कमी करण्यासाठी योग्य पावले उचलली पाहिजेत, वेळोवेळी रक्तदाब तपासावा आणि जीवनशैली चांगली ठेवावी.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही.
त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Join Our Sarkarsatta, Whatsapp Group, Telegram Group, Facebook Page for every Update
Web Title :- Stroke Risk | blood group type could predict your stroke risk a blood group is at higher risk
Pune Chandani Chowk Bridge Demolition | चांदणी चौक उड्डाणपूल पाडण्याची पूर्वतयारी आजपासून