मुंबई : सरकारसत्ता ऑनलाइन – राज्यात कोरोना संसर्गाचा उद्रेक पहायला मिळत आहे. दिवसेंदिवस कोरोना बाधित रुग्णांची संख्या वेगाने वाढत असल्याने त्याचा परिणाम आरोग्य सेवेवर होताना पहायला मिळत आहे. राज्यात रुग्ण वाढत असताना कोरोना रुग्णांसाठी संजीवनी असलेल्या रेमडेसिवीर remedesivir इंजेक्शनचा तुटवडा जाणवत असून इंजेक्शनचा काळा बाजार होत आहे. देशात रेमडेसिवीर औषधाचा तुटवडा असताना सुतरमधील भाजप कार्यालयात हेच औषध मोफत वाटले जात असल्याचा आरोप राष्ट्रवादी काँग्रेस पक्षाचे प्रवक्ते आणि अल्पसंख्याक मंत्री नवाब मलिक यांनी केला आहे. तसेच हे राजकारण नाही तर काय आहे ? असा सवाल उपस्थित केला आहे.
मंत्री नवाब मलिक यांनी आपल्या ट्विटर अकाऊंटवर ट्विट करत भाजपवर गंभीर आरोप केले आहेत. भाजपच्या गुजरातमधील ऑफिसमध्ये रेमडेसिवीर remedesivir मोफत वाटपाच्या मुद्यावरुन मलिक यांनी प्रश्नचिन्ह उपस्थित करत भाजपवर निशाणा साधला आहे. नवाब मलिक म्हणाले,’कोरोनाने देशात आणि राज्यात गंभीर स्वरुप धारण केले आहे. त्यातच केंद्र सरकारकडून राज्यात लस वाटपात राजकारण सुरु असतानाच गुजरातमधील सुरत येथील भाजप कार्यालयात मोफत रेमडेसिवीर वाटप करण्यात येत आहे.’ असा आरोप नवाब मलिक यांनी केला आहे.
देश में रेमदेसवीर दवा की किल्लत है और सूरत बीजेपी दफ्तर से मुफ्त बांटी जा रही है ।
क्या यह कमी रानीतिक है ? #कोरोना @drharshvardhan— Nawab Malik نواب ملک नवाब मलिक (@nawabmalikncp) April 11, 2021
सचिन वाझे प्रकरणावरुनही उदयनराजे आक्रमक, म्हणाले, ‘हा कोण वाझे…’
दरम्यान, या इंजेक्शनवरुन राज्यात मोठा गदारोळ उडला आहे. नागरिकांना इंजेक्शन मिळत नसल्याने याचा फायदा घेत इंजेक्शनचा काळाबाजार सुरु झाला आहे. इंजेक्शनचा तुटवडा दूर करण्यासाठी राज्य सरकारकडून प्रयत्न केले जात असल्याचे सांगण्यात येत आहे. मात्र अद्याप तरी परिस्थिती सुधारलेली नाही. रुग्णांचे नातेवाईक इंजेक्शन मिळवण्यासाठी धावाधाव करत असल्याचे पहायला मिळत आहे. अशातच नवाब मलिक यांनी भाजपवर गंभीर आरोप करून नवा वाद निर्माण केला आहे. अद्याप यावर भाजपने कोणतेही स्पष्टीकरण दिले नाही.
15 लाखांची लाच घेताना आयकर विभागातील 2 अधिकारी CBI च्या जाळ्यात
Balasaheb Thorat : ‘राधाकृष्ण विखे-पाटील यांच्या आरोपांना महत्व देत नाही’
सरसंघचालक मोहन भागवत यांना कोरोनाची लागण, उपचारासाठी रूग्णालयात दाखल
मोहन भागवतांना कोरोना झाल्यानंतर अमोल मिटकरी म्हणाले – ‘आता भिडे गुरुजींना विचारा’