पुणे : Govt Technical Institute Pune | शासकीय तंत्रनिकेतन पुणे संस्थेचा पदविका प्रदान समारंभ बुधवार ३ एप्रिल रोजी सकाळी १० वाजता संस्थेच्या प्रांगणात आयोजित करण्यात आला आहे.
या पदविका प्रदान समारंभास पर्यावरण व वातावरणीय बदल विभागाचे प्रधान सचिव प्रविण दराडे, तंत्रशिक्षण विभागीय कार्यालयाचे सहसंचालक डॉ. दत्तात्रय जाधव उपस्थित राहणार आहेत.
या समारंभामध्ये स्थापत्य, विद्युत, अणुविद्युत व दूरसंचार, यंत्र, धातुशास्त्र, संगणक, माहिती तंत्रज्ञान, ड्रेस डिझायनिंग अॅड गारमेंट मॅन्युफॅक्चरिंग या अभियांत्रिकी विद्या शाखेतील सर्व स्नातकांना पदविका प्रदान करण्यात येणार आहेत.
शैक्षणिक वर्ष २०२२-२३ मध्ये उत्तीर्ण झालेल्या तृतीय वर्षाच्या विद्यार्थ्यांपैकी शाखानिहाय गुणानुक्रमे प्रथम क्रमांक व द्वितीय क्रमांक मिळविणाऱ्या विद्यार्थ्यांना मानचिन्हे, पारितोषिकाचे वितरण करण्यात येणार आहे, अशी माहिती संस्थेचे प्राचार्य डॉ. राजेंद्र पाटील यांनी दिली आहे.