Share Market | 2022 मध्ये कमावण्यासाठी 'हे' 10 शेयर, तुमच्या पोर्टफोलियोमध्ये

नवी दिल्ली : वृत्तसंस्था – गेल्या वर्षी जवळपास 24 टक्क्यांनी वाढल्यानंतर देशांतर्गत शेअर बाजाराने (Share Market) सोमवारी नवीन वर्षाची शानदार सुरुवात केली. वर्षाच्या पहिल्या सत्रात सेन्सेक्स आणि निफ्टी 1.60 टक्क्यांपर्यंत वाढले. 2022 मध्येही शेअर बाजाराची (Share Market) तेजी कायम राहण्याचा अंदाज बाजारातील तज्ज्ञ व्यक्त करत आहेत. दरम्यान, ICICI Direct ने अशा 10 शेयरची यादी जारी केली आहे, जे या वर्षी गुंतवणूकदारांना 50 टक्के कमाई देऊ शकतात.

Join Our Sarkarsatta, Whatsapp Group, Telegram Group, Facebook Page for every Update

एअरटेलला (Airtel) या कारणामुळे मिळू शकते तेजी
आयसीआयसीआय डायरेक्टच्या या यादीत पहिले नाव दूरसंचार कंपनी भारती एअरटेलचे (Bharti Airtel) आहे. सोमवारी, भारती एअरटेलचा शेअर NSE वर 7.95 रुपयांवर चढून 691.75 रुपयांवर बंद झाला.

आयसीआयसीआय डायरेक्टचा अंदाज आहे की 2022 मध्ये तो 860 रुपयांपर्यंत पोहोचू शकतो. दरवाढीनंतर महसुलात वाढ होण्याच्या अपेक्षेमुळे हे घडले आहे. याशिवाय सरकारने दिलेला दिलासा, बँक गॅरंटी कमी करणे यासारख्या बाबी एअरटेलला मदत करतील अशी अपेक्षा आहे. (Share Market)

आज 20 टक्क्यांपर्यंत उसळला हा टॉप पिक
यादीतील दुसरी कंपनी ’द फिनिक्स मिल्स’ आहे. सोमवारी, कंपनीचा स्टॉक 0.95 टक्क्यांनी घसरून 976 रुपयांवर आला, परंतु ICICI डायरेक्टला हा स्टॉक रु 1,200 पर्यंत पोहोचण्याची अपेक्षा आहे.

Join Our Sarkarsatta, Whatsapp Group, Telegram Group, Facebook Page for every Update

ब्रोकरेज फर्मला मिंडा कॉर्पोरेशन लिमिटेडकडूनही मोठ्या आशा आहेत. सोमवारी, हा शेअर 19.99 टक्क्यांच्या उसळीसह 202.30 रुपयांवर होता. तो 220 रुपयांपर्यंत जाण्याचा अंदाज आहे.

या शेयर्सकडून सुद्धा आयसीआयसीआय डायरेक्टला अपेक्षा
आयसीआयसीआय डायरेक्टचा असा विश्वास आहे की, रॅडिको खेतान स्टॉक, जो सध्या रु. 1,220 च्या आसपास आहे, यावर्षी रु. 1,450 पर्यंत पोहोचू शकतो. ब्रोकरेज फर्मला अपेक्षा आहे की Eclerx सर्व्हिसेसचा शेअर्स 2,900 रुपयांपर्यंत पोहोचेल, जो सोमवारी 6.87 टक्क्यांनी वाढून 2,791.50 रुपयांवर बंद झाला.

त्याचप्रमाणे, ICICI डायरेक्टला रु. 1,783.15 वर ट्रेड करत असलेल्या Tech Mahindra कडून रु. 2,150 वर पोहचण्याची, तर सध्या रु. 163.70 च्या Orient Cement चा रु. 250 वर, फक्त रु. 73 च्या Dwarikesh Sugar चा शेयर रु. 110 वर, रु. 172.50 NRB Bearings चा शेयर रु. 220 वर, आणि 178.50 रु. चा Astor DM Healthcare शेअर रु.250 पर्यंत पोहोचण्याची अपेक्षा आहे.