Vikram Gokhale | 'त्या'वरून विक्रम गोखले संतापले; म्हणाले

मुंबई : सरकारसत्ता ऑनलाइन – Vikram Gokhale | बाॅलीवुड अभिनेत्री कंगना राणौतने (Kangana Ranaut) देशाच्या स्वातंत्र्याबद्दल वादग्रस्त विधान केलं होतं. या विधानावरुन देशभरातून कंगणावर टीका होऊ लागली. कंगणाच्या विधानाचं समर्थन जेष्ठ अभिनेते विक्रम गोखलेंनी (Vikram Gokhale) केल्यावर त्यांच्यावरही जोरदार टीका होऊ लागली आहे. यावरुन आज (शुक्रवारी) विक्रम गोखलेंनी पत्रकार परिषद घेऊन खुलासा केला.

Join our Sarkarsatta WhatsApp Group Link , Telegram, Facebook page for every update

विक्रम गोखले (Vikram Gokhale) म्हणाले, ‘2014 पासून माझ्यासारख्या सामान्य भारतीयाला खरं स्वातंत्र्य मिळालं हे माझं प्रामाणिक मत आणि ते मी
मुळीच बदलणार नाही. मी कोणत्याही स्वातंत्र्यसैनिकांचा अपमान केलेला नाही. मी त्या मूळ भाषणात असं म्हणालो की, ‘दे दी हमे आझादी बिना ढाल’.
म्हणजे विना तलवार आणि ढाल आम्हाला स्वातंत्र्य मिळवून दिलं, मग जे बाकीचे ज्यांनी स्वतःचे प्राण दिले, फाशीवर चढले, ब्रिटिशांना गोळ्या घातल्या,
त्यांची अवहेलना झाली याची आपल्याला कोणालाच शरम वाटत नाही? त्यांची दखल घ्यावीशी वाटत नाही? याचा मला राग आला, असं मत गोखलेंनी
मांडलं आहे.

दरम्यान, माझी कंगनाशी ओळख नसली, तरी माझ्या राजकीय अभ्यासाशी चांगली ओळख आहे. मी जो दुजोरा दिला, त्यामागे माझीही काही कारणं
आहेत. ती आता सांगत बसत नाही. 18 मे 2014 रोजीचा गार्डियनचा अंक वाचा. जे गार्डियनने म्हटलंय, तेच कंगनाने म्हटलंय. त्याची कॉपी माझ्याकडे
आहे. त्यामुळे कंगना काहीही चुकीची बोलली नाही असं मी म्हणालो. त्यावरून ताबडतोब बोंबाबोंब सुरू झाली, असं गोखले यांनी म्हटलं आहे.