पुणे : सरकारसत्ता ऑनलाइन– Pune Crime | लाकडी दांडा व प्लॅस्टिक पाईपने डोक्यात मारहाण करुन एका तरुणाचा खून (Murder In Pune) केल्याचा प्रकार उघडकीस आला आहे. (Pune Crime)
Join Our Sarkarsatta, Whatsapp Group, Telegram Group, Facebook Page for every Update
सागर गिरीधर दासमे (वय २७, रा. महादेवनगर, मांजरी) असे खून झालेल्या तरुणाचे नाव आहे. ही घटना मांजरीमधील महादेवनगर (Mahadev Nagar Manjri) येथील गणेश निवास येथे ५ जून रोजी दुपारी २ ते ६ जून रोजी दुपारी साडेबारा वाजण्याच्या दरम्यान घडला.
याबाबत सागर याचा भाऊ लखन गिरीधर दासमे (वय २६, रा. बोरकर वस्ती, लोणी) यांनी हडपसर पोलीस ठाण्यात (Hadapsar Police Station) फिर्याद (गु. रजि. नं. ६६०/२२) दिली आहे. त्यावरुन पोलिसांनी गौरव कारकिले, राजू सोनवणे (रा. महादेवनगर, मांजरी) यांच्यावर गुन्हा दाखल केला आहे. (Pune Crime)
याबाबत पोलिसांनी दिलेल्या माहितीनुसार, सागर दासमे हा पेटिंगचे काम करत होता. गौरव व राजू हेही पेटिंगचे काम करतात. महादेवनगरमध्येच सागर रहात होता. गौरव कारकिले याच्या घरी त्याचे येणे जाणे होते. सागर रविवारी दुपारी गौरव रहात असलेल्या गणेश निवास येथे गेला होता. गौरव येथे गेल्या दीड वर्षापासून राहत आहे. सोमवारी दुपारच्या सुमारास त्याचे घराचे दार नुसते लोटलेले दिसून आले.
Join Our Sarkarsatta, Whatsapp Group, Telegram Group, Facebook Page for every Update
तेव्हा घरमालकीणने आत जाऊन पाहिले असता तेथे सागर दासमे हा पडलेला आढळून आला.
त्यांनी पोलिसांना याची माहिती दिली.
घरात राहणारा गौरव व राजू हे दोघेही पसार झाल्याचे आढळून आले.
सागर याच्या डोक्यात लाकडी दांडा व प्लॅस्टिक पाईपने मारहाण करुन त्याचा खून केल्याचे दिसून आले आहे.
घरातील दोघे जण पसार झाले असल्याने त्यांच्यावर संशय व्यक्त केला जात आहे.
दोघांना पकडल्यानंतरच नेमका काय प्रकार घडला याची माहिती उघड होण्याची शक्यता आहे.
हडपसर पोलीस अधिक तपास करीत आहेत.
Web Title :- Pune Crime | Murder In Mahadev Nagar Manjri Hadapsar Police Station Limits