सरकारसत्ता ऑनलाइन – Liver | शरीराचे योग्य फंक्शन आणि टॉक्सिन फ्री ठेवण्यात लिव्हरची खुप महत्त्वाची भूमिका असते. लिव्हरची (Liver) सर्वात चांगली गोष्ट म्हणजे ते खराब झालेल्या पेशी आपोआप रिप्लेस करते. मात्र, एका टप्प्यावर पोहोचल्यानंतर, लिव्हरची स्वतः दुरुस्ती करण्याची क्षमता संपुष्टात येऊ लागते. विशेषतः तेव्हा जेव्हा आपण सतत त्याचे नुकसान करणार्‍या सवयी सुरू ठेवतो.
Join Our Sarkarsatta, Whatsapp Group, Telegram Group, Facebook Page for every Update
लोकांमध्ये लिव्हरच्या आरोग्याबाबत जागरूकता निर्माण करण्यासाठी दरवर्षी 19 एप्रिल रोजी जागतिक लिव्हर दिन साजरा केला जातो. आज आम्ही तुम्हाला अशाच 8 वाईट सवयींबद्दल सांगणार आहोत, ज्यामुळे लिव्हर झपाट्याने खराब होते.
लिव्हर डॅमेज होण्याची कारणे (Causes Of Liver Damage)
1. औषधांचा अतिवापर (Drug Overdose)
लिव्हर तोंडाद्वारे शरीरात जाणारी औषधे, औषधी वनस्पती आणि सप्लीमेंटचे विघटन करण्याचे काम करते. मात्र, या गोष्टींचे जास्त सेवन केल्याने संथ गतीने लिव्हरचे नुकसान होते. तुमच्या या चुकीमुळे लिव्हर (Liver) निकामी होऊ शकते.
2. कमी झोप (Less Sleep)
झोपेची कमतरता सुद्धा लिव्हरसाठी खूप हानिकारक ठरू शकते. एका अभ्यासात असा दावा करण्यात आला आहे की एखाद्या व्यक्तीच्या खराब झोपेमुळे लिव्हरवर ऑक्सिडेटिव्ह ताण येऊ शकतो. म्हणूनच डॉक्टर दिवसातून सुमारे 8 तास झोपण्याचा सल्ला देतात.
3. लठ्ठपणा आणि खराब न्यूट्रिशन (Obesity And Poor Nutrition)
खाण्याच्या चुकीच्या सवयी देखील काही काळानंतर आपले लिव्हर खराब करू लागतात. जास्त कॅलरी असलेले अन्न, ट्रान्स फॅट, सॅच्युरेटेड फॅट आणि साखर यासारख्या गोष्टींच्या अतिसेवनामुळे लिव्हरवर चरबी जमा होऊ लागते. लठ्ठपणाचा त्रास असलेल्या लोकांमध्ये ही समस्या जास्त दिसून येते. त्यामुळे लठ्ठपणासोबतच खाण्याच्या वाईट सवयींवरही नियंत्रण ठेवा.
4. खूप जास्त व्हिटॅमिन ए (Too Much Vitamin A)
आपल्या शरीराला व्हिटॅमिन ए खूप आवश्यक असते आणि सर्वोत्तम पर्याय म्हणजे ताजी फळे आणि भाज्यांनी ती भरून काढता येते. यामध्ये लाल, केशरी आणि पिवळ्या रंगाची फळे आणि भाज्या अधिक फायदेशीर मानल्या जातात. परंतु जर तुम्ही व्हिटॅमिन-ए चा हाय डोस असलेले सप्लिमेंट घेतले तर ते तुमच्या लिव्हरसाठी घातक ठरू शकते. म्हणून, ते घेण्यापूर्वी, कृपया डॉक्टरांचा सल्ला घ्या.
Join Our Sarkarsatta, Whatsapp Group, Telegram Group, Facebook Page for every Update
5. दारू – सिगारेट (Alcohol – Cigarettes)
वाईट सवय तुमच्या लिव्हरचे नुकसान करतात. अल्कोहोल आणि तंबाखू लिव्हरच्या टॉक्सिन बाहेर काढून टाकण्याच्या क्षमतेवर परिणाम करतात.
अलीकडील अभ्यासानुसार, जे लोक दिवसातून तीन ग्लास दारू पितात त्यांना लिव्हरचा कॅन्सर होण्याची शक्यता जास्त असते.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही.
त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Liver | biggest mistakes that could damage your liver
Neck Pain | मानेच्या उजव्या बाजूला होणार्‍या वेदना असू शकतात धोकादायक, गंभीर आजाराचे लक्षण
Meesho IPO | मीशो लवकरच आणणार आपला IPO, ‘हा’ आहे कंपनीचा पूर्ण प्लान