PMSYM | दररोज 2 रुपये भरा आणि मिळवा महिन्याला 3 हजार रुपयांची पेन्शन;

सरकारसत्ता ऑनलाइन टीम – PMSYM | आयुष्यात प्रत्येकाला भविष्याची काळजी लागलेली असते. त्यातच सध्याची परिस्थिती पहिली तर प्रत्येक जण निवृत्तीनांतर जगण्यासाठी पैशाची तरतूद करण्यासाठी धडपडत असतो. आपापल्या परीने जो तो तजवीज करत असतो. मात्र असंघटित कामगारांचे तसे नसते. या क्षेत्रातील लोकांचे हातावरचे पोट असते. त्यामुळे या लोकांना धीर देण्यासाठी केंद्र सरकारने वर्षांपूर्वी एका योजना आणली. सध्या या योजनेची लोकप्रियता वाढू लागली आहे. (PMSYM)

Join our Sarkarsatta WhatsApp Group Link , Telegram, Facebook page for every update

असंघटित कामगारांसाठी केंद्र सरकारने प्रधानमंत्री श्रमयोगी मानधन योजना अर्थात PM-SYM ही योजना सुरु केली आहे. २०१९ मध्ये असंघटित क्षेत्रातील कामगारांना मासिक पेन्शन मिळावे यासाठी ही योजना सुरु केली आहे. या योजनेनुसार असंघटित क्षेत्रातील कामगारांना ६० वर्षे वयानंतर दरमहा ३ हजार रुपये पेन्शन देण्याची ही योजना आहे. PMSYM योजनेत आतापर्यंत ४५लाख ७७ हजार २९५ कामगारांनी नोंदणी केली आहे.

योजना अशी…

या योजनेसाठी दररोज २ रुपये भरल्यास वयाच्या ६० व्या वर्षी दरमहा ३ हजार रुपये पेन्शन मिळण्यास सुरुवात होते. वयाच्या १८व्या वर्षापासूनही या योजनेत सहभागी होता येणार आहे. त्यासाठी दरमहा ५५ रुपये भरावे लागणार आहेत. १९ वर्षाच्या व्यक्तीला दरमहा १०० रुपये तर ४० वर्षे वयाच्या व्यक्तीला दरमहा २०० रुपये भरावे लागतील. या (pradhan mantri shram yogi mandhan yojana ) योजनेत कामगार, ड्रायव्हर, घर कामगार, चर्मद्योगातील कामगार, रिक्षाचालक आदी असंघटित क्षेत्रातील लोकांना सहभागी होता येते.