पुणे : सरकारसत्ता ऑनलाईन – कोंढवा पोलीस ठाण्याच्या हद्दीत हातभट्टी दारुची विक्री करुन दहशत निर्माण करणारा अट्टल गुन्हेगार भिमय्या लिंगय्या भंडारी (वय- 23 रा. कानडेनगर, उंड्री, पुणे) याच्याविरुद्ध पुणे पोलीस आयुक्त रितेश कुमार (IPS Ritesh Kumar) यांनी एमपीडीए कायद्यान्वये (Pune Police MPDA Action) स्थानबध्दतेची कारवाई केली आहे. पोलीस आयुक्तांची ही 91 वी कारवाई आहे.
भिमय्या भंडारी हा कोंढवा पोलीस ठाण्यातील (Kondhwa Police Station) रेकॉर्डवरील गुन्हेगार आहे. त्याने कोंढवा पोलीस ठाण्याच्या हद्दीत गावठी हातभट्टी दारुचा साठा करुन त्याची विक्री करणे यासारखे गंभीर गुन्हे केले आहेत. मागील दोन वर्षात त्याच्यावर 5 गंभीर गुन्हे दाखल आहेत. त्याच्या गुन्हेगारी कृत्यांमुळे परिसरातील नागरीकांच्या आरोग्यास व सार्वजनिक सुव्यवस्थेस बाधा निर्माण झाली होती. तसेच त्याच्या दहशतीमुळे नागरिक उघडपणे तक्रार करण्यास धजावत नव्हते.
आरोपी भिमय्या भंडारी याला स्थानबद्ध करण्याचा प्रस्ताव कोंढवा पोलीस ठाण्याचे वरिष्ठ पोलीस निरीक्षक संतोष सोनवणे यांनी पोलीस आयुक्त यांना पाठवला होता. प्राप्त प्रस्ताव व कागदपत्रांची पडताळणी करुन पोलीस आयुक्त रितेश कुमार यांनी भिमय्या भंडारी याला एम.पी.डी.ए. कायद्यान्वये नागपूर मध्यवर्ती कारागृहात (Nagpur Central Jail) एक वर्षासाठी स्थानबद्ध करण्याचे आदेश दिले आहेत.
ही कमगिरी वरिष्ठ पोलीस निरीक्षक संतोष सोनवणे, गुन्हे शाखा, पी.सी.बी. चे वरिष्ठ पोलीस निरीक्षक चंद्रकांत बेदरे, पोलीस अधिकारी व अंमलदार यांच्या पथकाने केली.
- Pune Mundhwa Police | वाईन शॉप फोडणाऱ्या दोन सराईतांना मुंढवा पोलिसांकडून अटक (Video)
- Pune Pimpri Chinchwad Crime News | कॉलेजमध्ये झालेल्या वादातून तरुणाला घरात घुसून मारहाण, फुरसुंगी येथील घटना