BJP MLA Gopichand Padalkar | 'अजित पवारांना मुख्यमंत्री केले, तर 4 दिवसांत

मुंबई : सरकारसत्ता ऑनलाइन– BJP MLA Gopichand Padalkar | महाराष्ट्र विधीमंडळाचे हिवाळी अधिवेशन आजपासून (बुधवारी) सुरू झाले आहे. पहिल्याच दिवशी सत्ताधारी महाविकास आघाडी सरकार आणि विरोधकांमध्ये आरोपांच्या फैरी झडत आहेत. आज अधिवेशनावेळी सभागृहात गदारोळ माजला होता. यातच आज विधान परिषदेचे भाजपचे आमदार गोपीचंद पडळकर (BJP MLA Gopichand Padalkar) यांनी राज्याचे उपमुख्यमंत्री अजित पवार (Ajit Pawar) यांना टोला लगावला आहे.

Join our Sarkarsatta WhatsApp Group Link , Telegram, Facebook Page for every update

‘अजित पवारांना मुख्यमंत्री पदाचा चार्ज दिला, तर ते चार दिवसांत राज्यच विकून मोकळे होतील,’ अशी टीका गोपीचंद पडळकर यांनी केली आहे. त्यावेळी बोलताना पडळकर म्हणाले, ‘अजित पवारांना (Ajit Pawar) जर मुख्यमंत्री पदाचा चार्ज दिला, तर हे अधिवेशन संपायच्या आत चार दिवसांत ते राज्यच विकून मोकळं होतील. तसेच, पडळकर यांनी राज्यातील परीक्षांच्या घोळावरुन देखील सरकारवर निशाणा साधला आहे. राज्यात विद्यार्थी केवळ भाजपचेच आहेत का? प्रत्येक ठिकाणी लाखोंचे आकडे येत आहेत.’ असं ते म्हणाले.

पुढे पडळकर म्हणाले, ‘हे प्रकरण आता थेट मंत्रालयापर्यंत पोचतंय.
हे सारं सरकारच्या आशीर्वादानं होतंय. या घोटाळ्यात तुमचेच एवढी लोक यात सामील असतील,
तर पोलीस चौकशी कशी करणार? CBI चौकशी केली, तर बिघडलं कुठं, तुम्ही काही केलं नाही,
तर भीती कसली, करू द्या ना CBI चौकशी, अशी मागणी देखील पडळकर यांनी केली आहे.