पुणे : सरकारसत्ता ऑनलाइन – Narayan Rane | मुख्यमंत्री उद्धव ठाकरे यांच्याविषयी जनआशिर्वाद यात्रेदरम्यान वादग्रस्त विधान केल्याने केंद्रीय मंत्री नारायण राणे यांच्या अडचणीत वाढ झाली आहे. पुण्यासह नाशिक, महाड येथे राणे यांच्याविरुद्ध गुन्हे दाखल करण्यात आले असून त्यांना ताब्यात घेण्यासाठी पुणे व नाशिक पोलिसांचे पथक चिपळूणला रवाना झाले आहे. त्यामुळे पोलीस राणे यांना अटक करतात की ते अटक टाळणार याकडे सर्वांचे लक्ष लागले आहे. दरम्यान, नारायण राणे (Narayan Rane) यांची जन आशिर्वाद यात्रेला चिपळूणमधून सुरुवात होत आहे.
Join our Sarkarsatta WhatsApp Group Link , Telegram, facebook page for every update
पुण्यातील चतु:श्रृंगी पोलीस ठाण्यात नारायण राणे यांच्याविरुद्ध गुन्हा दाखल करण्यात आला आहे. शिवसेनेचे सरचिटणीस रोहित कदम यांनी याबाबत चतु:श्रृंगी पोलीस ठाण्यात फिर्याद दिली असून पोलिसांनी सोमवारी रात्री उशिरा गुन्हा दाखल केला आहे. त्याचबरोबर या गुन्ह्यांचा तपास सुरु करण्यात आला असून रात्री उशिरा पुणे पोलिसांचे एक पथक केंद्रीय मंत्री नारायण राणे यांना अटक करण्यासाठी चिपळूणला रवाना करण्यात आले असल्याची माहिती वरिष्ठ पोलीस अधिकार्‍यांनी दिली. दरम्यान, नाशिक शहरातही नारायण राणे यांच्याविरुद्ध शिवसेनेच्या कार्यकर्त्यांनी फिर्याद दिली असून नाशिक पोलिसांचे पथकही चिपळूणला रवाना झाले आहे. त्यामुळे आज दिवसभर राजकारणाचे केंद्र बिंदु चिपळूण राहणार आहे.
Web Title : narayan rane in trouble one more case registered mahad pune over controversial statement against cm uddhav thackeray