सरकारसत्ता ऑनलाइन – Bad Cholesterol | ब्लड कोलेस्टेरॉलचे प्रमाण जास्त असल्यास खराब कोलेस्टेरॉल झपाट्याने वाढू लागते. हाय
कोलेस्टेरॉलची कोणतीही चिन्हे शरीरात आधीच दिसत नाहीत, म्हणून याला सायलेंट किलर असेही म्हणतात. आजच्या काळात लाखो लोकांना हाय
कोलेस्ट्रॉलची समस्या भेडसावत आहे. कोलेस्टेरॉलचे दोन प्रकार आहेत – गुड कोलेस्ट्रॉल आणि बॅड कोलेस्ट्रॉल. (Bad Cholesterol)
Join Our Sarkarsatta, Whatsapp Group, Telegram Group, Facebook Page for every Update
गुड कोलेस्टेरॉलला हाय डेन्सिटी लिपोप्रोटीन (HDL) म्हणतात. रक्तप्रवाहासाठी आणि पेशींच्या निर्मितीसाठी हे खूप फायदेशीर मानले जाते. त्याच वेळी, खराब कोलेस्टेरॉलला लो डेन्सिटी लिपोप्रोटीन (LDL) म्हणतात. हे अत्यंत धोकादायक मानले जाते. कारण ते रक्त पेशींमध्ये जमा होण्यास सुरुवात होते, ज्यामुळे रक्त प्रवाह कमी होतो किंवा थांबतो, ज्यामुळे हृदयविकार किंवा पक्षाघाताच्या समस्येला सामोरे जावे लागू शकते. बॅड कोलेस्टेरॉल रक्त आणि ऑक्सिजन हृदयापर्यंत पोहोचवणार्या रक्त पेशींना ब्लॉक करते. (Bad Cholesterol)
रक्त तपासणीद्वारे, रक्तातील कोलेस्टेरॉलची पातळी शोधता येते. कोलेस्ट्रॉलची पातळी जास्त असेल तर डॉक्टरांशी संपर्क साधणे गरजेचे आहे. कोलेस्ट्रॉलची पातळी कमी करण्यासाठी बाजारात अनेक औषधे उपलब्ध आहेत, परंतु औषधांशिवायही नैसर्गिकरित्या हाय कोलेस्ट्रॉलची पातळी कमी करू शकता. कसे ते जाणून घेऊया –
1. हेल्दी डाएट –
एखाद्याला आरोग्यदायी आहार घ्यायला सांगणे खूप सोपे आहे पण त्याचे पालन करणे तितकेच कठीण आहे. पण जर कोलेस्ट्रॉलची पातळी कमी करायची असेल तर ते खूप महत्वाचे आहे. आजूबाजूला अशा अनेक गोष्टी उपलब्ध असतात ज्याद्वारे कोलेस्ट्रॉलची पातळी कमी करू शकता. यासोबतच प्रक्रिया केलेले अन्न आणि जास्त प्रमाणात मीठ आणि साखरेचे सेवन बंद करावे. ओटमील, राजमा, सफरचंद आणि स्प्राउट्स ब्लड कोलेस्ट्रॉलची पातळी कमी करण्यास मदत करतात.
डेअरी प्रॉडक्टमधील व्हे प्रोटीन एलडीएल आणि एकूण कोलेस्ट्रॉल कमी करू शकतात. सॅल्मन, अक्रोड आणि फ्लेक्ससीड यांसारखे ओमेगा-3 फॅटी अॅसिड असलेले पदार्थ देखील निरोगी हृदयाच्या ऊती आणि रक्तवाहिन्यांसाठी खूप चांगले मानले जातात.
Join Our Sarkarsatta, Whatsapp Group, Telegram Group, Facebook Page for every Update
2. अल्कोहोलचे सेवन कमी करा –
आरोग्याची काळजी घ्यायची असेल तर दारू पिणे बंद करा. एखाद्या वेळी अल्कोहोलचे सेवन करू शकता, परंतु दररोज जास्त प्रमाणात मद्यपान केल्यामुळे शरीरातील कोलेस्टेरॉलची पातळी वाढू लागते.
3. वजन कमी करा –
कोलेस्टेरॉलची पातळी कमी करायची असेल, तर सर्वप्रथम वजन आणि लठ्ठपणा कमी करणे महत्त्वाचे आहे.
ओटीपोटाच्या सभोवतालची अतिरिक्त चरबी व्हिसेरल फॅट वाढवते ज्यामुळे लिव्हरवर परिणाम होतो.
जास्त वजनामुळे कोलेस्टेरॉलची पातळी देखील वाढते ज्यामुळे धमन्या आणि रक्त पेशींवर वाईट परिणाम होतो.
वजन कमी करण्यासाठी सकस आहार घेणे आणि जास्तीत जास्त पाण्याचे सेवन महत्त्वाचे आहे.
4. स्मोकिंग सोडा –
स्मोकिंगमुळे हृदयावर आणि हृदयाच्या गतीवर खूप दबाव पडतो. संशोधकांना असे आढळले आहे की धूम्रपान सोडल्याने रक्त परिसंचरण आणि फुफ्फुसाचे कार्य सुधारून एचडीएल कोलेस्टेरॉलची पातळी सुधारते.
धूम्रपान सोडल्यानंतर एक वर्षानंतर हृदयविकाराचा धोका निम्म्यावर येतो. यासाठी डॉक्टरांचीही मदत घेऊ शकता.
5. एक्सरसाईज –
कोलेस्टेरॉलची पातळी कमी करायची असेल, तर दिवसभर शारीरिक हालचाली वाढवणे गरजेचे आहे.
पोहणे, चालणे, सायकल चालवणे, नृत्य इत्यादी सारख्या तुमच्या आवडत्या क्रिया करू शकता. बसून जास्त वेळ घालवू नका.
दर अर्ध्या तासाने उठून थोडे चालावे. शारीरिक हालचालींमुळे रक्तातील एचडीएलची पातळी वाढते,
ज्यामुळे एलडीएलची पातळी कमी होऊ शकते.
Join Our Sarkarsatta, Whatsapp Group, Telegram Group, Facebook Page for every Update
Web Title : – Bad Cholesterol | bad cholesterol ways to lower your cholesterol naturally