मुंबई : सरकारसत्ता ऑनलाइन – Cyrus Mistry death | बिझनेस टायकून (Business Tycoon) सायरस मिस्त्री (54 वर्षे) यांचे रविवारी महाराष्ट्रातील पालघरजवळ झालेल्या अपघातात निधन झाले. अपघातानंतर लगेचच सायरस यांना प्रथम कासा येथील सरकारी रुग्णालयात नेण्यात आले. येथे डॉक्टरांनी तपासणी केल्यानंतर त्यांना मृत घोषित केले होते. फॉलो-अप घेणार्‍या डॉक्टरांनी सांगितले की जेव्हा सायरस यांना येथे आणण्यात आले तेव्हा त्याच्या डोक्याला दुखापत झाली होती. शरीरात अंतर्गत रक्तस्त्रावही होत होता. रुग्णालयात येण्यापूर्वीच त्यांचा मृत्यू झाला होता. (Cyrus Mistry death)
Join Our Sarkarsatta, Whatsapp Group, Telegram Group, Facebook Page for every Update
टाटा सन्सचे माजी चेअरमन सायरस मिस्त्री यांचा रविवारी मुंबईजवळ एका रस्ते अपघातात मृत्यू झाला. पालघर पोलिसांनी दिलेल्या माहितीनुसार, मिस्त्री अहमदाबादहून मुंबईला परतत असताना त्यांची कार दुभाजकाला धडकली. कारमध्ये चार जण होते, ज्यामध्ये मिस्त्री यांच्यासह दोघांचा जागीच मृत्यू झाला, तर इतर दोन (जोडपे) अनाहिता पंडोले आणि त्यांचे पती डेरियस पंडोले जखमी झाले. त्यांना रुग्णालयात नेण्यात आले. (Cyrus Mistry death)
घटनास्थळीच मृत्यू होते सायरस, जहांगीर जिवंत होते
एएनआय या वृत्तसंस्थेशी संवाद साधताना कासा रुग्णालयातील डॉक्टर शुभम सिंग यांनी सांगितले की, प्रथम दोन रुग्णांना रुग्णालयात आणण्यात आले, त्यापैकी एक सायरस मिस्त्री आणि दुसरे जहांगीर दिनशा पंडोल होते. दोघांनाही मृत आणण्यात आले. त्यांना घेऊन आलेल्या स्थानिकांनी सायरस मिस्त्री यांचा जागीच मृत्यू झाल्याचे सांगितले. जहांगीर दिनशा पंडोल हे घटनास्थळी जिवंत होते, मात्र रूग्णालयात नेत असताना त्यांचा मृत्यू झाला. सायंकाळी पाचच्या सुमारास आम्ही त्यांना मृत घोषित केले.
पंडोले दाम्पत्याला एयरलिफ्ट करून नेले मुंबईला
डॉ. शुभम सिंह पुढे म्हणाले- 10 मिनिटांनी इतर दोन रुग्णांसह दुसरी रुग्णवाहिका आली. दोघेही जखमी होते. दोघांवर प्राथमिक उपचार करून त्यांना हायर सेंटरमध्ये हलवण्यात आले. नंतर त्याचे कुटुंबीय त्यांना रेनबो हॉस्पिटलमध्ये घेऊन गेले, तेथून त्यांना एयरलिफ्ट करून मुंबईला नेण्यात आले.
Join Our Sarkarsatta, Whatsapp Group, Telegram Group, Facebook Page for every Update
एक्सपर्ट ओपिनियनसाठी पाठवले मुंबईला
डॉक्टरांनी सांगितले की शवविच्छेदन सरकारी रुग्णालयात होणार होते. मात्र, जिल्हाधिकार्‍यांचा फोन आला आणि त्यांनी सांगितले की, ’एक्सपर्ट ओपिनियनसाठी’ जेजे रुग्णालयात हलवावे लागेल.
त्यानंतर मृतदेह मुंबईला पाठवण्यात आले.
अपघाताबाबत घेतले जात आहे तज्ज्ञांचे मत
डॉ शुभम यांनी सांगितले की, सायरस मिस्त्री यांच्या डोक्याला दुखापत झाली होती आणि जहांगीर दिनशा यांच्या डाव्या पायाला फ्रॅक्चर आणि डोक्याला दुखापत झाली होती.
त्यांचे पोस्टमॉर्टम येथे होणार होते, परंतु आम्हाला जिल्हाधिकारी आणि एसपींचा फोन आला की तज्ज्ञांच्या मतासाठी मृतदेह जेजे रुग्णालयात हलवावे लागतील.
घटनेच्या सखोल चौकशीचे आदेश
पालघरचे पोलीस अधीक्षक बाळासाहेब पाटील यांनी दिलेल्या माहितीनुसार, हा अपघात ओव्हरस्पीडमुळे झाला आहे.
चालकाचे वाहनावरील नियंत्रण सुटले होते. तपासानंतरच अधिक माहिती समोर येईल. कारमध्ये 4 लोक होते,
ज्यामध्ये एक महिला कार चालवत होती. सध्या ती जखमी असून तिच्यावर उपचार सुरू आहेत.
या घटनेची सखोल चौकशी आवश्यक असल्याचे एसपींनी सांगितले. DCM यांनीही सखोल चौकशीचे आदेश दिले असून त्यांच्या सूचनेनुसार तपास करण्यात येत आहे.
Join Our Sarkarsatta, Whatsapp Group, Telegram Group, Facebook Page for every Update
Web Title : Cyrus Mistry death | doctor says cyrus mistry brought dead here head injury and internal bleeding initial stages like accidental death
Parbhani MNS | धक्कादायक ! परभणीत मनसे शहराध्यक्षाचा सपासप वार करुन खून, शहरात खळबळ
Pune Crime | डंपरच्या धडकेत शाळकरी मुलीचा मृत्यु; लोहगावातील पठारेवस्तीतील घटना
Pune Crime | दरोड्याच्या तयारीतील आंध्र प्रदेशातील टोळी जेरबंद