नागपूर : सरकारसत्ता ऑनलाईन – सोमवारपासून विधीमंडळाच्या हिवाळी अधिवेशनाला सुरुवात झाली. हे हिवाळी अधिवेशन वादळी ठरत आहे. विरोधकांकडे सरकारला घेरण्यासाठी अनेक मुद्दे आहेत. त्यात कर्नाटक सीमाप्रश्न आणि नागपूर एनआयटी भूखंड हे गरम मुद्दे आहेत. मागील दोन दिवसांत विरोधकांनी मुख्यमंत्र्यांचा राजीनामा देखील मागितला होता. मंगळवारी अधिवेशनाच्या दुसऱ्या दिवशी ऊर्जा मंत्र्यांचे भाषण सुरू असताना अचानक वीज गेली आणि एकच गोंधळ उडाला. यावरून राष्ट्रवादीचे आमदार रोहित पवार (Rohit Pawar) यांनी ट्वीट करत यावर आपले मत मांडले आहे.
Join Our Sarkarsatta, Whatsapp Group, Telegram Group, Facebook Page for every Update
रोहित पवार (Rohit Pawar) ट्वीटवर लिहितात, “वीज गेल्यावर कशी अडचण होते, हे आज संपूर्ण सभागृहाला प्रत्यक्ष अनुभवता आले. खुद्द ऊर्जामंत्री बोलत असतानाच वीज गेल्याने बल्ब, माईक बंद पडून कामकाजही बंद पडले. आपल्या बळीराजाला व छोट्या उद्योगांना तर मिनिटा मिनिटाला विजेसाठी झुंजावे लागत आहे! यानिमित्त तरी सरकार त्याची दखल घेईल का?”
विधीमंडळाच्या कामकाजाच्या दुसऱ्या दिवशी उपमुख्यमंत्री तथा विद्यमान ऊर्जामंत्री देवेंद्र फडणवीस आपले निवेदन सादर करत असताना, अचानक वीज गेली आणि त्यांच्या समोरील माईक आणि सभागृहाचे दिवे बंद झाले. त्यामुळे सभागृहाचे कामकाज काही वेळासाठी तहकूब करावे लागले. वीज आल्यावर पुन्हा कामाला सुरुवात झाली.
वीज गेल्यावर कशी अडचण होते, हे आज संपूर्ण सभागृहाला प्रत्यक्ष अनुभवता आलं. खुद्द ऊर्जामंत्री बोलत असतानाच वीज गेल्याने बल्ब, माईक बंद पडून कामकाजही बंद पडलं..
आपल्या बळीराजाला व छोट्या उद्योगांना तर मिनिटामिनिटाला विजेसाठी झुंजावं लागतं! यानिमित्त तरी सरकार त्याची दखल घेईल का?— Rohit Pawar (@RRPSpeaks) December 20, 2022
दरम्यान, सलग दुसऱ्या दिवशी देखील कर्नाटक सीमाप्रश्नाचे महाराष्ट्राच्या विधानसभेत पडसाद उमटले.
सीमाप्रश्नावर सत्ताधारी आणि विरोधकांमध्ये खडाजंगी झाली.
महाराष्ट्र कर्नाटक सीमा प्रश्नावर राष्ट्रवादीचे प्रदेशाध्यक्ष आमदार जयंत पाटील यांनी स्थगन प्रस्ताव मांडला होता.
त्यावर बोलताना पाटलांनी कर्नाटकच्या मुख्यमंत्र्यांना खडेबोल सुनावले.
तसेच यावेळी मुख्यमंत्री एकनाथ शिंदे यांना देखील नागपूर न्यास प्रकरणावरून महाविकास आघाडीने घेरले.
मुख्यमंत्र्यांनी सर्व आरोप फेटाळले आहेत.
Join Our Sarkarsatta, Whatsapp Group, Telegram Group, Facebook Page for every Update
Web Title :- Rohit Pawar | rohit pawar criticized shinde fadnavis government after assembly power cut
Manasi Naik | प्रदिप खरेराच्या इंन्स्टा रीलवर भडकली मानसी नाईक; म्हणाली….
Winter Session – 2022 | राज्यात लवकरच 4000 जागांसाठी डॉक्टर आणि तज्ज्ञांची भरती – गिरीश महाजन
Cosmetic Surgerie | कॉस्मेटिक सर्जरी करण्याचे काय आहेत फायदे आणि तोटे, एक्सपर्टकडून जाणून घ्या उत्तर