महाड : सरकारसत्ता ऑनलाइन – महाड एमआयडीसीमधील (Mahad MIDC) इंटरनॅशनल होम टेक प्रा. लि. कंपनीच्या बंद असलेल्या कामगार वसाहतीमध्ये मानवी सांगाडा आढळल्याने परिसरात एकच खळबळ उडाली आहे. मंगळवारी (दि. 16) ही घटना उघडकीस आली. आढळलेला सांगाडा साधारणत दोन ते अडीच वर्षांपूर्वीचा असावा असा अंदाज वैद्यकीय क्षेत्रातील जाणकारांकडून व्यक्त केला जात आहे.
या प्रकरणी सौरभ अरूणकुमार दास (वय-22 रा. पी.डी लाईट कॉलनी महाड,एमआयडीसी (Mahad MIDC)) यांनी महाड एमआयडीसी पोलिसांत फिर्याद दिली आहे. फिर्यादी हे पुण्यात इंजिनिअरिंगचे शिक्षण घेत असून सुट्टीनिमित्त आपल्या राहते घरी आले होते. त्यावेळी फेरफटका मारण्याकरिता गेल्या असता त्यांना मानवी सांगाडा आढळून आला. दास याच्यामुळे हा प्रकार उघडकीस आल्याने त्याच्या धाडसाचे कौतुक होत आहे.
महाड एमआयडीसी पोलिसांनी दिलेल्या माहितीनुसार, महाड एमआयडीसीमधील इंटरनॅशनल होम टेक प्रा. लि. (पूर्वीची त्रिंबक) या कंपनीच्या बंद असलेल्या कामगार कॉलनीत 16 फेब्रुवारी रोजी मानवी सांगाडा आढळून आला. महाड एमआयडीसी पोलिस ठाण्यापासून अगदी हाकेच्या अंतरावर ही घटना उघडकीस आल्याने खळबळ उडाली आहे.ओळख पटवण्यासाठी सांगाडा मुंबई येथील जे. जे. रुग्णालयात पाठविण्यात आला आहे. डीएनए तपासणीकरिता मांडीचे हाड व दात तपासण्यासाठी पोलिसांनी मुंबई येथील फॉरेन्सिक लॅबकडे पाठविले आहेत. या प्रकरणाचा गुंता सोडविण्याचे आव्हान एमआयडीसी पोलिसांसमोर आहे.
अकस्मात मृत्यू म्हणून या घटनेची नोंद महाड- एमआयडीसी पोलीस ठाण्यात केली आहे.
तपास पोलिस उपनिरीक्षक सागर पवार हे करीत आहेत.
- ‘कंबरदुखी’पासून खुप परेशान आहात ? ‘या’ टीप्स फॉलो केल्या तर मिळेल आराम
- Video : सपना चौधरीच्या गाण्यावरील ‘या’ अभिनेत्रीचा डान्स, व्हिडीओ होतोय व्हायरल
- Pulwama Attack 2019 : ‘हल्ल्याबद्दलच्या गुप्त माहितीकडे PM मोदींनी दुर्लक्ष का केलं ?, राहुल गांधींचा प्रश्न
- वासिम जाफरने ‘या’ कारणामुळे दिला राजीनामा, मुख्यमंत्र्यांनी दिले चौकशीचे आदेश; मुस्लिम खेळाडूंना प्राधान्य दिल्याचा झाला होता आरोप
- Business Idea : स्टॅम्प पेपरच्या व्यवसायातून भरपूर पैसा कमावण्याची संधी ! कमी पैशात मिळेल जास्त नफा, जाणून घ्या
- उच्च रक्तदाबाचा त्रास असणार्यांनी आहारात ‘या’ 5 गोष्टींचा करावा समावेश, ‘हाय ब्लड प्रेशर’ येईल कंट्रोलमध्ये, जाणून घ्या