मुंबई : सरकारसत्ता ऑनलाइन– रशिया – युक्रेन युद्धाच्या (Russia – Ukraine War) पार्श्वभूमीवर भांडवली बाजारात प्रचंड अस्थिरता निर्माण झाली आहे. या संकटादरम्यान गुंतवणुकदार सुरक्षित गुंतवणूक (Secure Investment) म्हणून सोन्यात गुंतवणूक करत आहेत. आज आठवड्याच्या पहिल्याच दिवशी सोमवारी कमोडिटी बाजार (Commodity Market) सोन्याचा (Gold-Silver Price Today) भाव तब्बल 800 रुपयांनी वाढला आणि तो 51 हजारांवर गेला. चांदीमध्ये देखील आज एक हजार रुपयांची वाढ (Gold-Silver Price Today) झाली आहे.
Join Our Sarkarsatta, Whatsapp Group, Telegram Group, Facebook Page for every Update
सोने – चांदीला नफेखोरीचा फटका
सध्या MCX वर सोन्याचा भाव (Gold – Silver Price Today) 50,940 रुपये इतका आहे. त्यात 719 रुपयांची वाढ झाली. तत्पूर्वी सोन्याचा भाव 51 हजार 219 रुपयापर्यंत वाढला. चांदीमध्ये देखील 1043 रुपयांची वाढ झाली असून सध्या एक किलो चांदीचा भाव 65 हजार 948 रुपये इतका आहे. कमोडिटी बाजारात शुक्रवारी सोने आणि चांदीला नफेखोरीचा फटका बसला होता. बाजार बंद होताना सोने 1273 रुपयांनी स्वस्त झाले आणि सोन्याचा भाव 50 हजार 270 रुपयांवर स्थिरावला होता. चांदीमध्ये 1948 रुपयांची घसरण झाली आणि चांदीचा भाव 64 हजार 950 रुपयांवर स्थिरावला होता.
प्रमुख शहरातील सोने – चांदीचे भाव
Goodreturns या वेबसाईटनुसार आज सोमवारी मुंबईत (Mumbai) 22 कॅरेट सोन्याचा भाव (22 Carat Gold Price) 47000 रुपये इतका वाढला आहे. त्यात शुक्रवारच्या तुलनेत 660 रुपयांची वाढ झाली. आज 24 कॅरेटचा भाव 51,280 रुपये इतका झाला. त्यात 720 रुपयांची वाढ झाली. दिल्ली सरफा बाजारात 22 कॅरेट सोन्याचा भाव 47 हजार रुपये इतका आहे. दिल्लीत (Delhi) 24 कॅरेटचा सोन्याचा भाव 51,280 रुपये एवढा वाढला. चेन्नईत (Chennai) 22 कॅरेट सोन्याचा भाव प्रति 10 ग्रॅम 48,160 रुपये इतका असून 24 कॅरेट सोन्याचा भाव 52,500 रुपये झाला. त्यात 810 रुपयांची वाढ झाली. कोलकात्यात (Kolkata) आज 22 कॅरेट सोन्याचा भाव 47 हजार असून 24 कॅरेट सोन्याचा भाव 51,280 रुपये इतका आहे.
Join Our Sarkarsatta, Whatsapp Group, Telegram Group, Facebook Page for every Update
जागतिक बाजार सोन्याचे दरात पडझड
जागतिक कमॉडिटी बाजारात (Global Commodity Market) देखील सोन्याच्या किमतीत मोठी पडझड झाली.
स्पॉट गोल्डचा (Spot Gold) भाव 1909.89 डॉलरपर्यंत वाढला आहे.
त्यात आज 1 टक्का वाढ झाली. मागील आठवड्यात रशिया – युक्रेन युद्धामुळे गुरुवारी सोन्याचा भाव 1975 डॉलरपर्यंत वाढला होता.
त्यानंतर नफावसुली झाल्याने सोने दरात घसरण झाली होती. महिनाभरात जागतिक पातळीवर सोन्याच्या किमतीत 6 टक्के वाढ झाली आहे.
Web Title :- Gold-Silver Price Today | gold price silver rates today 28th february 2022 gold price