मुंबई : सरकारसत्ता ऑनलाईन – राज्याचे हिवाळी अधिवेशन सुरू असताना छत्रपती संभाजी महाराजांवर केलेल्या एका वक्तव्यामुळे विरोधी पक्षनेते अजित पवार चांगलेच अडचणीत सापडले आहेत. सत्ताधारी भाजपकडून याबाबत अजित पवारांनी जाहीर माफी मागावी अशी मागणी होत आहे. त्यातच राष्ट्रवादी काँग्रेसचे आमदार जितेंद्र (Jitendra Awhad) आव्हाडांनी औरंगजेबाबाबत कलेल्या ट्वीटमुळे ते देखील चांगलेच अडचणीत सापडले आहेत. औरंगजेब हा धर्मद्वेष्टा नव्हता अशा आशयाचे ट्वीट जितेंद्र आव्हाडांनी (Jitendra Awhad) केले होते. त्यावर सत्ताधाऱ्यांकडून आव्हाडांवर सडकून टीका केली जात आहे. त्यातच मुंबई येथील भांडूप परिसरात आव्हाडांविरोधात आक्षेपार्ह बॅनर लावल्याचे समोर आले आहे.
Join Our Sarkarsatta, Whatsapp Group, Telegram Group, Facebook Page for every Update
भांडूपमध्ये जितेंद्र आव्हाड (Jitendra Awhad) यांच्याविरोधात बॅनर लावले असून त्यावर, ‘मुंब्रा रक्षक जितुद्दीन खान असा’ उल्लेख करण्यात आला आहे. तसेच या बॅनरवर ‘मॉडर्न अफजल खान अर्थात जितुद्दीन खान याचं करायचं काय’ अशा अशयाचा मजकूर लिहिण्यात आला आहे.
जितेंद्र आव्हाडांनी (Jitendra Awhad) औरंगजेबाबाबत एक ट्वीट केले होते. त्यात त्यांनी औरंगजेब हा धर्मद्वेष्टा नव्हता असा उल्लेख केला आहे. त्यांच्या या ट्वीटवर राज्याच्या राजकीय वर्तुळात चांगलेच घमासान रंगले. याबाबत भाजपचे प्रदेशाध्यक्ष चंद्रशेखर बावनकुळेंनी जितेंद्र आव्हाडांवर टीका करताना औरंगजेबाचा उल्लेख औरंगजेब ‘जी’ केला होता. त्यावर विरोधकांकडून सडकून टीका झाल्यानंतर त्यांनी एका ट्वीटच्या माध्यमातून आपली भूमिका जाहीर केली होती.
चंद्रशेखर बावनकुळेंनी आपल्या ट्वीटमध्ये लिहिले होते की, क्रूरकर्मा, पापी औरंग्याने छत्रपती श्री. संभाजी महाराज यांना हालहाल करून त्यांचे प्राण घेतले. औरंग्याने काशी विश्वेश्वराचे मंदीर फोडले. अशा नीच क्रूरकर्म्याला मी स्वप्नातही ‘जी’ म्हणू शकत नाही.
औरंगज़ेब तो पापी था !! pic.twitter.com/bSG5BESAWc
— Chandrashekhar Bawankule (@cbawankule) January 4, 2023
त्यावर पुढे बोलताना बावनकुळे म्हणाले, आमच्या पक्षाची औरंग्याबाबतची भूमिका सर्वांना ठावूक आहे.
त्याचप्रमाणे औरंग्या राष्ट्रवादीचे श्रध्दास्थान आहे हे आव्हाडांनी अनेकदा सिध्द केले आहे.
आम्हाला नसत्या शब्दच्छलात अडकवून स्वतःला स्वच्छ व शुध्द असल्याचे दाखवू नका.
औरंग्याचे आणि तुमचे नाते जगाला ठाऊक आहे. असे उत्तर बावनकुळेंनी जितेंद्र आव्हाडांना (Jitendra Awhad) दिले आहे.
दरम्यान, जितेंद्र आव्हाडांच्या भांडूप येथील बॅनरने एका नव्या वादाला तोंड फुटले आहे.
Join Our Sarkarsatta, Whatsapp Group, Telegram Group, Facebook Page for every Update
Web Title :- Jitendra Awhad | posters against jitendra awhad in mumbai over aurangzeb row