पुणे : सरकारसत्ता ऑनलाईन – Pune Crime News | तरुणीला लग्नाचे अमिष दाखवून तिच्यावर लैंगिक अत्याचार करुन तिच्याकडून 80 हजारांची रक्कम उकळणाऱ्या उस्मानाबाद येथील तरुणाविरुद्ध वानवडी पोलीस ठाण्यात (Wanwadi Police Station) गुन्हा दाखल करण्यात आला आहे. हा प्रकार 2018 पासून वारंवार पुणे व उस्मानाबाद येथे घडला आहे. (Pune Rape Case)
याबाबत केशवनगर मुंढवा येथे राहणाऱ्या 26 वर्षीय तरुणीने शुक्रवारी (दि.26) वानवडी पोलीस ठाण्यात फिर्य़ाद दिली आहे. यावरुन सागर वामन रठोड (वय-29 रा. कोसगाव इटकळ, जि. उस्मानाबाद) याच्यावर आयपीसी 376, 376/2/एन, 506 नुसार गुन्हा दाखल केला आहे.
पोलिसांनी दिलेल्या माहितीनुसार, आरोपी आणि फिर्यादी यांच्यामध्ये मागील सहा वर्षापासून प्रेमसंबंध आहेत. आरोपीने फिर्यादी यांना लग्नाचे आमिष दाखवले. तसेच फिर्य़ादी यांच्यासोबत वारंवार जबरदस्तीने शारीरिक संबंध ठेवले. याच दरम्यान सागर याने पीडित तरुणीला पैशांची गरज असल्याचे सांगून 80 हजार रुपये उसने घेतले. त्यापैकी फक्त पाच हजार रुपये त्याने परत केले. तरुणीने उर्वरित पैशांची मागणी केली असता त्याने पैसे देण्यास नकार दिला. तसेच तुझ्यासोबत लग्न करणार नाही, तुला काय करायचे ते कर असे म्हणत बघुन घेण्याची धमकी दिल्याचे फिर्यादीत नमूद केले आहे. पुढील तपास वानवडी पोलीस करित आहेत.
- Pune Viman Nagar Crime | अभिनेत्रीवर बलात्कार केल्याप्रकरणी सोलापूरच्या विराज रविकांत पाटील याच्यावर पुण्यात गुन्हा; पिस्तूल डोक्याला लावून धमकावले
- Maratha Reservation | मराठा आरक्षणातील ‘सगेसोयरे’चा अनुसूचित जाती, विमुक्त जाती, भटक्या जमातींनाही फायदा; काय नेमके म्हटले आहे अध्यादेशात, कसा होणार इतरांनाही फायदा, जाणून घ्या