नवी दिल्ली : सरकारसत्ता ऑनलाइन – पंतप्रधान नरेंद्र मोदी (PM Narendra Modi) यांच्या 12 जुलैरोजी पाटणा रॅलीमध्ये स्फोट घडविण्याचा कट
पॉप्युलर फ्रंट ऑफ इंडियाने रचला होता. या हल्ल्यासाठी घातक शस्त्रास्त्रे जमविणे आणि ट्रेनिंग देण्यासाठी कॅम्पचे आयोजन करण्यात आले होते. तसेच,
पीएफआयने यूपीमध्ये संवेदनशील ठिकाणी आणि महत्वाच्या लोकांवर एकाच वेळी हल्ला करण्याची सुद्धा तयारी कोली होती, असा खळबळजनक
खुलासा अंमलबजावणी संचालनालयाने (ED) केला आहे. (PM Narendra Modi)
Join Our Sarkarsatta, Whatsapp Group, Telegram Group, Facebook Page for every Update
जुलै महिन्यात पाटणा येथून पॉप्युलर फ्रंट ऑफ इंडियाच्या संशयितांना अटक केली असता त्यांच्याकडून जप्त केलेल्या कागदपत्रांमध्ये ’इंडिया 2047’ नावाने पीएफआयचे बुकलेटही सापडले होते. 2047 पर्यंत भारताला मुस्लीम देश बनविण्याची ’दहशतवादी ब्ल्यूप्रिंट’ तयार करण्यात आली होती. पीएफआय आपल्या कटकारस्थानांसाठी ठिकठिकाणी ट्रेनिंग कॅम्प लावत असल्याचे आढळून आले होते. (PM Narendra Modi)
गुरुवारी ईडीने केरळमधून अटक केलेल्या पीएफआयच्या शफिक पायथच्या रिमांड नोटमध्ये खळबळजनक दावा केला आहे. पीएफआयने यावर्षी 12 जुलैला पाटणा येथे पंतप्रधान नरेंद्र मोदी यांच्या रॅलीदरम्यान हल्ला करण्याच्या उद्देशाने ट्रेनिंग कॅम्प लावला होता. विशेष म्हणजे, ऑक्टोबर 2013 मध्ये पाटणा येथील गांधी मैदानात नरेंद्र मोदींच्या निवडणूक रॅलीवर दहशतवादी हल्ला झाला होता. हा हल्ला इंडियन मुजाहिद्दीनशी संबंधित जिहादी दहशतवाद्यांनी घडवून आणला होता.
पीएफआयने दंगली आणि दहशतवादी कारवायांसाठी मागील काही वर्षांत 120 कोटी रुपये जमवले आहेत.
या फंडात अधिकांश पैसा रोख स्वरूपात आहे. ईडीकडे यासंबंधी सर्व पुरावे आहेत.
राष्ट्रीय तपास संस्था आणि ईडीने गुरुवारी देशभरात पीएफआयविरुद्ध राबविलेल्या सर्वात मोठ्या ऑपरेशनमध्ये
पीएफआयशी संबंधित 100 हून अधिक लोकांना अटक केली.
एकूण 15 राज्यांमध्ये 93 ठिकाणी पीएफआयच्या कार्यालयांवर आणि संघटनेच्या काही नेत्यांच्या ठिकाणांवर छापे
टाकले होते. या कारवाईत स्थानिक पोलिसांचाही समावेश होता.
तपासादरम्यान पीएफआय आणि तिचे सदस्य, त्यांच्या बँक अकाउंट्सचे विश्लेषणही करण्यात आले.
तसेच आरोपींचे जबाब नोंदवण्यात आले.
Join Our Sarkarsatta, Whatsapp Group, Telegram Group, Facebook Page for every Update
Web Title :- PM Narendra Modi | pfi planned to attack pm narendra modi on july 12 at patna rally in bihar sensational claims by ed
Body Detoxification Food | बॉडी डिटॉक्स करतो गुळ, जाणून घ्या आरोग्यासाठी कशाप्रकारे लाभदायक