नवी दिल्ली : वृत्तसंस्था – भारतातील सर्वात मोठी जीवन विमा कंपनी LIC ने आर्थिक वर्ष 2022-23 च्या पहिल्या तिमाहीत नफा मिळवला आहे. एप्रिल-जून तिमाहीत LIC चा निव्वळ नफा रु. 682.9 कोटी आहे. त्याच वेळी, गेल्या आर्थिक वर्षाच्या याच तिमाहीत एलआयसीचा नफा केवळ 2.6 कोटी रुपये होता. LIC ला हा नफा वार्षिक आधारावर झाला आहे. परंतु विमा कंपनीच्या नफ्यात तिमाही आधारावर घट झाली आहे. कारण मार्च तिमाहीत LIC चा निव्वळ नफा 2,371.5 कोटी रुपये होता. त्रैमासिक निकालानंतर एलआयसीकडून असे सांगण्यात आले की येत्या तिमाहीत कंपनीच्या नफ्यात चढ-उतार दिसून येईल.
Join Our Sarkarsatta, Whatsapp Group, Telegram Group, Facebook Page for every Update
प्रीमियम उत्पन्नात वाढ
जून तिमाहीत विमा कंपनी एलआयसीचे एकूण उत्पन्न 1,68,881 कोटी रुपये होते. गेल्या आर्थिक वर्षाच्या पहिल्या तिमाहीत 1,54,153 कोटी रुपये होते. जर आपण तिमाही आधारावर एलआयसीच्या निव्वळ नफ्यावर नजर टाकली तर मार्चमध्ये तिचा निव्वळ नफा 2,371 कोटी रुपये होता. एलआयसीचे निव्वळ प्रीमियम उत्पन्नही वाढले आहे. ते चालू आर्थिक वर्षाच्या पहिल्या तिमाहीत 98,805.25 कोटी रुपयांवर पोहोचले आहे, जे मागील वर्षी याच कालावधीत 82,375.61 कोटी रुपये होते.
एलआयसीने पहिल्या तिमाहीत 36,81,764 कोटी रुपयांच्या पॉलिसी विकल्या आहेत. त्यात वार्षिक आधारावर जवळपास 60 टक्क्यांनी वाढ झाली आहे. एकूण न्यू बिझनेस प्रीमियम उत्पन्न 36 टक्क्यांनी वाढून 10,938 कोटी रुपये झाले आहे. एलआयसीच्या मते, मार्च तिमाहीच्या तुलनेत कंपनीची कामगिरी सर्व विभागांमध्ये घसरली आहे.
कोविडनंतर सुधारत आहे स्थिती
एलआयसीच्या व्यवस्थापनाखालील मालमत्तेमध्ये 30 जूनपर्यंत 41.02 लाख कोटी रुपयांची वाढ झाली आहे,
जी आर्थिक वर्ष 2022 च्या पहिल्या तिमाहीत 38.13 लाख कोटी रुपयांच्या तुलनेत 7.57 टक्क्यांनी वाढली आहे.
एलआयसीचे अध्यक्ष एमआर कुमार म्हणाले – कोविडनंतर स्थिती सामान्य झाल्यामुळे त्यांचे एजंट आता ग्राहकांपर्यंत पोहोचत आहेत.
याचा फायदा कंपनीच्या निव्वळ नफ्यात होताना दिसत आहे.
जून तिमाहीत एलआयसीची ग्रोस व्हॅल्यू ऑफ न्यू बिझनेस (VNB) वाढून रु. 1861 कोटी झाली आहे,
तर व्हीएमबी मार्जिन 13.6 टक्के राहिले.
Join Our Sarkarsatta, Whatsapp Group, Telegram Group, Facebook Page for every Update
शेअरमध्ये घसरण
दरम्यान, शुक्रवारी एलआयसीचा शेअर घसरला आणि नॅशनल स्टॉक एक्सचेंज (एनएसई) वर 0.04 टक्क्यांनी घसरून 682.35 पैशांवर बंद झाला.
गेल्या एका महिन्यात कंपनीचा शेअर पाच टक्क्यांहून जास्त् घसरला आहे.
Web Title : – LIC | lic q1 result net profit comes in at rs 683 crore growth in premium income
Coconut Water | रात्री नारळपाणी प्यायल्याने होतील ‘हे’ 5 आणखी वेगळे फायदे, आजपासून सुरू करा सेवन