पुणे : सरकारसत्ता ऑनलाइन– MNS Pune | महाराष्ट्र नवनिर्माण सेनेचे अध्यक्ष राज ठाकरे (Raj Thackeray) यांच्या भोंग्यांबाबतच्या वक्तव्यानंतर
राज्यातील राजकारणात मोठी चर्चा रंगली असतानाच पुण्यातील मनसे पक्षात (MNS Pune) मोठी घडामोड घडताना दिसत आहे. राज ठाकरे यांच्या
आदेशाला विरोध केल्यानंतर माजी नगरसेवक वसंत मोरे (Vasant More) यांना मनसेच्या पुणे शहराध्यक्ष पदावरुन काढून टाकण्यात आले. यानंतर पुणे शहराचे उपाध्यक्ष अझरुद्दीन बशीर सय्यद (Azharuddin Bashir Sayyad) यांनी देखील मनसेला रामराम ठोकला आहे.
Join Our Sarkarsatta, Whatsapp Group, Telegram Group, Facebook Page for every Update
पुण्यात मनसे (MNS Pune) पदाधिकारी, कार्यकर्त्यात अंतर्गत धुसफूस आता चव्हाट्यावर आल्याचे दिसत आहे. आज (शुक्रवारी) मनसे शहर उपाध्यक्ष आझरुद्दीन बशीर सय्यद यांनी राजीनामा दिला आहे. आतापर्यंत पुण्यातील मनसेच्या तीन पदाधिकाऱ्यांनी राजीनामा दिल्याने मनसेला गळती लागली आहे. तर, मनसे शाखा अध्यक्ष माजीद शेख (Majid Sheikh), मनसेचे वाहतूक सेनेचे उपाध्यक्ष शाहबाज पंजाबी (Shahbaz Punjabi) यांनी देखील आपल्या पदाचा राजीनामा दिला आहे.
दरम्यान, राज ठाकरे यांनी वसंत मोरे यांच्या जागी तात्काळ साईनाथ बाबर (Sainath Babar) यांची शहराध्यक्षपदी नियुक्ती केलीय. यानंतर आता मुख्यमंत्री उद्धव ठाकरे (CM Uddhav Thackeray) यांनी वसंत मोरे यांना फोन करून आपण शिवसेनेत (Shiv Sena) येण्याबाबत विचार करावा असं म्हंटल आहे. त्यामुळे पुण्यातील राजकारण ढवळून निघालं आहे. यावर अद्याप वसंत मोरे यांनी कोणतीही भूमिका घेतली नसून ते भविष्यात शिवसेनेत जाणार का ? अशा चर्चा देखील रंगताना दिसत आहेत.
Web Title : MNS Pune | mns pune city vice president azharuddin bashir syed resigns
Police Hawaldar Suicide | पोलीस हवालदाराची राहत्या घरी गळफास घेऊन आत्महत्या