पुणे : सरकारसत्ता ऑनलाइन – Pune Cantonment | व्यापार परवाना नियमांचे उल्लंघन केल्याबद्दल पुण्यातील प्रसिद्ध हॉटेल दिल्ली दरबार (Delhi Darbar), सुजाता मस्तानी (Sujata Mastani) आणि शेगाव कचोरी (Shegaon Kachori) हे पुणे कॅन्टोन्मेंट बोर्डाने (Pune Cantonment Board) सील (Seal) केले आहेत. पुणे कॅन्टोन्मेंट बोर्डाने ही कारवाई शुक्रवारी (दि.17) केल्याचे अधिकाऱ्यांनी सांगितले आहे. बोर्डाचे मुख्य कार्यकारी अधिकारी अमित कुमार (Pune Cantonment CEO Amit Kumar) यांनी सांगितले की, आरोग्य विभागाने कॅन्टोन्मेंट कायद्यानुसार अनिवार्य व्यापार परवाना नियमांचे उल्लंघन केल्याबद्दल या अस्थापना सील केल्या असून पुढील आदेश येईपर्यंत या अस्थापना बंद राहणार आहेत.
Join our Sarkarsatta WhatsApp Group Link , Telegram, facebook page for every update
पुणे कॅन्टोन्मेंट भागामध्ये तब्बल 700 दुकाने विनापरवाना सुरु असून, चालकांनी परवाना (business license) घ्यावा, यासाठी व्यापाऱ्यांना मुदत देण्यात आली होती. मात्र, याला व्यापाऱ्यांनी अत्यल्प प्रतिसाद दिला. व्यापाऱ्यांना परवाना घेण्यासाठी दिलेली मुदत संपल्यानंतर पुणे कॅन्टोन्मेंट बोर्डाच्या अतिक्रमण विभागाने (Encroachment Department) कारवाई सुरु केली आहे. शुक्रवारी प्रसिद्ध हॉटेलसह दोन दुकाने सील करण्यात आली आहेत.
कॅन्टोन्मेंट बोर्डाचे अतिक्रमण विभागाचे प्रमुख आर.टी. शेख (R.T. Sheikh) यांनी सांगितले की, पुलगेट (Pulgate) परिसरातील प्रसिद्ध शेगाव कचोरी, सुजाता मस्तानी आणि अरोरो टॉवरच्या (aurora towers pune) मागे असलेले दिल्ली दरबार हॉटेल सील करण्यात आले आहे. कारवाई करण्यात आलेल्यांकडून 50 हजार रुपयांचा दंड वसूल केला जाणार आहे.
यापुढेही पोलिसांच्या सुरक्षेत दहा दिवस ही कारवाई सुरु राहणार आहे.
Join our Sarkarsatta WhatsApp Group Link , Telegram, facebook page for every update