बुलढाणा : सरकारसत्ता ऑनलाईन – MP Vinayak Raut | बुलडाणा जिल्ह्याचे शिंदे गटातील खासदार प्रतापराव जाधव (MP Prataprao Jadhav) यांनी एक गौप्यस्फोट केला होता. निवडणूकीच्या तोंडावर 3 खासदार आणि 8 आमदार शिंदे गटात 100 टक्के येतील, असा दावा त्यांनी केला होता. त्यानंतर ठाकरे गटात मोठी खळबळ माजली आहे. निवडणूकीपूर्वी ठाकरे गटाचे घर खाली असेल, असा दावा खासदार जाधव यांनी केला आहे. 3 खासदार आणि 8 आमदार शिंदे गटाच्या संपर्कात असल्याचे त्यांनी सांगितले आहे. (MP Vinayak Raut)
Join Our Sarkarsatta, Whatsapp Group, Telegram Group, Facebook Page for every Update
त्यावर उद्धव ठाकरे गटाचे खासदार विनायक राऊत यांनी प्रतिउत्तर दिले आहे. ‘ज्या पद्धतीने कावीळ झालेल्या व्यक्तींना सगळीकडे पिवळे दिसते, त्याच पद्धतीने निष्ठेला विष्ठेची जोड देणाऱ्यांना, आपण गद्दारी केली तशी इतरही करतील असे वाटत आहे.’ अशा पद्धतीने खासदार जाधवांवर विनायक राऊतांनी पलटवार केला आहे. ‘आम्ही जे कोणी आता उद्धव ठाकरेंबरोबर राहिले आहोत ते खऱ्या अर्थाने बाळासाहेबांचे पाईक आहोत, त्यांच्या पायाच अमृत आम्ही प्यायलं आहे, निष्ठा आणि श्रद्धा काय असते हे एकनाथ शिंदे गटाने आमच्या कडून शिकले पाहिजे,’ असा सल्ला ही त्यांनी यावेळी दिला आहे. (MP Vinayak Raut)
याअगोदर देखील खासदार प्रतापराव जाधव यांनी मुंबईचे एक खासदार शिंदे गटात येतील, असा गौप्यस्फोट केला होता.
त्यानंतर खासदार गजानन कीर्तिकर शिंदे गटात सामील झाले.
मात्र पुन्हा एकदा खासदार जाधव यांनी ठाकरे गटाचे 3 खासदार आणि 8 आमदार शिंदे गटात सामील होतील असा दावा केल्याने राज्याच्या राजकारणात खळबळ माजली आहे.
त्यांच्या या वक्तव्यात किती तथ्य आहे, हे पाहणे महत्वाचे ठरेल.
Web Title :- MP Vinayak Raut | shivsena MP Vinayak Raut on cm eknath shinde group mp prataprao jadhav
Maharashtra Government Recruitment | 75 हजार पदांच्या भरतीसाठी सरकारचे संबंधित विभागांना नवे आदेश, परीक्षेसंबंधीच्या अटीशर्ती जाहीर
CM Eknath Shinde Group | शिवसेनेचे आणखी 3 खासदार आणि 8 आमदार शिंदे गटात जाणार?